சிறுமியை வீட்டுக்குள் பூட்டி வைத்து சித்திரவதை!
மதுரை : தல்லாகுளம் திருப்பாலை அன்புநகர் பாலசுப்பிரமணிய நகர் விரிவாக்க பகுதியை சேர்ந்தவர் (17), வயது சிறுமி. இவரை அண்ணா நகர் அன்பு நகர் குருநாதன் மகன் வெற்றிச்செல்வன் என்ற வெற்றி முருகன் அவரை திருமணம்செய்துள்ளார்.அவரை கட்டாயப்படுத்தி பலாத்காரம் செய்துள்ளார்.பின்னர் வீட்டுக்குள் வைத்து பூட்டிவிட்டு சென்றுவருவதை வழக்கமாகக் கொண்டுள்ளார். பூட்டப்பட்டு அறைக்குள் இருந்த சிறுமி அவசர போலீஸ் உதவிக்கு போன் செய்துள்ளார். போலீசார் சம்பவ இடத்திற்கு சென்றனர் .அவர்கள் வீட்டின் கதையை உடைத்து சிறுமியை மீட்டனர். இந்த சம்பவம் தொடர்பாக வெற்றி செல்வன் மீது வழக்கு பதிவு செய்து அவரை தேடி வருகின்றனர்.
பிளாட்பாரத்தில் வாலிபர் மயங்கி விழுந்து சாவு!
மாட்டுத்தாவணி பேருந்து நிலையத்தில் எட்டாவது பிளாட்பாரத்தில் பஸ்ஸுக்காக காத்திருந்த (37) வயது மதிக்கத்தக்க வாலிபர் திடீரென்று மயங்கி விழுந்து பலியானார். இந்த தகவல் அறிந்த மாட்டுத்தாவணி போலீசார் இறந்தவரை சோதனை செய்த போது அவருடைய சட்டைப்பையில் அடையாள அட்டை இருந்தது. அதில் இருந்த முகவரிக்கு தொடர்பு கொண்டு விசாரித்த போது நெல்லை மாவட்டம் பாளையங்கோட்டை என்.ஜி.ஓ. நியூ காலணியைச் சேர்ந்த முத்து ரங்கன்மகன் பாலசுப்பிரமணியன் (37) என்று தெரியவந்தது.
அவருடைய தந்தை முத்துரங்கன் இந்த சம்பவம் குறித்து மாட்டுத்தாவனி போலீசில் புகார் செய்தார். போலீசார் வழக்கு பதிவு செய்து விசாரணை நடத்திய போது உயிரிழந்த பாலசுப்பிரமணியன் டிபி நோயால் பாதிக்கப்பட்டு இருந்த நிலையில் மதுரைக்கு வந்திருந்ததாகவும் அப்போது உயிரிழந்ததும் தெரியவந்தது .மேலும் இது குறித்து போலீசார் தொடர்ந்து விசாரணை நடத்தி வருகின்றனர்.
பெண்ணிடம் பணம் திருடிய இளம் பெண் கைது!
செக்கானூரணி மேலத்தொரு கே. புளியங்குளத்தை சேர்ந்தவர் வெற்றிமாறன் மனைவி பிரேமலதா (32), இவர் மதுரை வந்திருந்தார். மதுரை பெரியார் பேருந்து நிலையத்தில் மூன்றாவது நம்பர் பிளாட்பாரத்தில் பஸ்சுக்காக காத்திருந்தார் அப்போது அவரிடம் இருந்த பர்சை இளம் பெண் ஒருவர் திருடும்போது அவரை பிடித்தார் அந்த பார்சில் ரூபாய் 2200 வைத்திருந்தார்.பின்னர் பிடிபட்ட இளம்பெண்ணை திடீர்நகர் போலீசில் ஒப்படைத்தார். போலீசார் அந்த பெண்ணிடம் விசாரணை நடத்திய போது திருமங்கலம் உசிலம்பட்டி ரோடு பிள்ளையார் கோவில் தெருவை சேர்ந்த ஐயப்பன் மனைவி காந்தி என்ற லட்சுமி (28) என்று தெரியவந்தது. போலீசார் அவரை கைது செய்தனர்.
மதுரையிலிருந்து நமது நிருபர்
திரு.ரவி
