திருமங்கலம் சாலையில் ஒருவர் பலி!
மதுரை : மதுரை திருமங்கலம் செங்குளம் கீழத்தெருவை சேர்ந்தவர் சகாதேவன் (58), இவர் செங்குளம் விருதுநகர் நான்கு வழி சாலை சாலையோரம் நடந்து சென்றார். விருதுநகர் பழைய சிவகாசி ரோட்டைசேர்ந்த சரவண பெருமாள் மகன் செல்வ நம்பி 24 என்ற வாலிபர் பைக்கை ஓட்டிச் சென்றார். அவர் ஓட்டிச் சென்ற பைக் கட்டுப்பாட்டையிழந்து சகாதேவன் மீது மோதி விபத்தானது. இதில் சகாதேவன் படுகாயம் அடைந்து சம்பவ இடத்திலேயே பலியானார். இந்த விபத்து குறித்து உயிரிழந்த சகாதேவனின் மகன் ராம்குமார் திருமங்கலம் டவுன் போலீசில் புகார் செய்தார். போலீசார் வழக்கு பதிவு செய்து. இந்த விபத்து குறித்து விசாரணை நடத்தி வருகின்றனர்.
செல்லூரில் மர்ம ஆசாமி கைவரிசை!
செல்லூர் காளியம்மன் கோவில் தெருவில் உச்சினி மாரியம்மன் கோவில் உள்ளது. இங்கு அம்மனுக்கு அணிவித்திருந்த 6 பவுன் தாலிச் சங்கிலியை மர்ம கோவிலுக்குள் புகுந்து சம்பவத்தன்று அதிகாலை திருடிச்சென்றுவிட்டார். பின்னர் இந்த திருட்டு கோயில் பூசாரி ராமமூர்த்திக்கு தெரிய வந்தது. அவர் இந்த திருட்டு குறித்து செல்லூர் போலீசில் புகார் செய்தார். போலீசார் வழக்கு பதிவு செய்து அம்மன் கழுத்தில் அணிவித்திருந்த ஆறுபவுன் தாலிச் சங்கிலியை திருடிய ஆசாமியை போலீசார் தேடி வருகின்றனர்.
மதுரை ரயில் நிலையத்தில் பரபரப்பு!
இரண்டு மணி நேரத்தில் கடத்தல்காரனை போலீசார் சுற்றி வளைத்து பிடித்தனர் : திண்டுக்கல் மாவட்டம், நிலக்கோட்டை மட்டபாறை கரட்டூரைச் சேர்ந்தவர் ஹரிஷ் குமார் மனைவி சையதுஅலி பாத்திமா (25), இவர் தனது மூன்று மாத பெண் குழந்தை ஷாலினியுடன் ரயில்வே நிலையம் நுழைவு வாயிலில் தூங்கிக் கொண்டிருந்தார். அங்குள்ள கோவில் அருகே தூங்கிக் கொண்டிருந்தபோது அவருடைய குழந்தை காணவில்லை.அந்த குழந்தையை மர்ம நபர் கடத்திச் சென்றது தெரிய வந்தது. இதனால் சையத் அலி பாத்திமா கூச்சல் போட்டு கதறிஅழுதார் அருகில் இருந்த மற்ற பயணிகளும் அவரைச்சுற்றிகூடினர். இதனால் பரபரப்பு ஏற்பட்டது.அவர்கள் உடனடியாக திலகர்திடல் போலீசாருக்கு தகவல் கொடுத்தனர். போலீசார் உடனடியாக உஷாராகி பல்வேறு இடங்களில் தேடுதல் பணியிலும், சோதனையிலும் ஈடுபட்டனர். அப்போது போலீசை கண்டதும் குழந்தையுடன் பதுங்கிய வாலிபர் ஒருவரை சுற்றி வளைத்து பிடித்தனர்.
பிடிபட்ட வாலிபரிடம் இருந்த குழந்தை யாருடையது என்றுவிசாரித்தபோது அந்தக்குழந்தை சையது அலி பாத்திமா குழந்தை என்று தெரிய வந்தது.உடனடியாக அந்த குழந்தையை மீட்ட போலீசார் பிடிபட்ட வாலிபரிடம் விசாரணை நடத்தினர் .விசாரணையில் அந்த வாலிபர் மேலூர் வெள்ளலூரைச்சேர்ந்த சேகர் மகன் போஸ் 35 என்று தெரியவந்தது. அவரை போலீசார் கைது செய்தனர். குழந்தை திருந்து போன இரண்டு மணி நேரத்திலேயே கடத்தல்காரனை போலீசார் சுற்றி வளைத்து பிடித்தனர். பிடிபட்ட நபரிடம் தொடர்ந்து விசாரணை நடத்தி வருகின்றனர். வேறு எங்கும் குழந்தைகளை அவர் கடத்தி உள்ளாரா, இவருக்கு பின்னணியில் யார் யார் உள்ளனர், என்று போலீசார் தொடர்ந்து பிடிபட்ட வாலிபரிடம் விசாரணை நடத்தி வருகின்றனர்.
கீரைத் துறையில் பதுங்கி இருந்த இரண்டு பேர் கைது!
கீரைத்துறை சப் இன்ஸ்பெக்டர் செல்வம், இவர் ரோந்துப்பணியில் ஈடுபட்டிருந்தார் அவர் மேலத்தோப்பு நூல் பட்டரை அருகே சென்றபோது போலீசை கண்டதும் நான்கு பேர் பதுங்கினர் அவர்களை சுற்றி வளைத்தனர். அவர்களில் இரண்டு பேர் தப்பி ஓடிவிட்டனர் பிடிபட்டவர்களிடம் விசாரித்த போது அவர்கள் மேலத்தோப்பு மூன்றாவது தெரு நாகராஜ் மகன் சரவணன் என்ற பேபி சரவணன் (22), ஓடக்கரை பிள்ளையார் கோவில் தெரு செந்தூரன் மகன் காளீஸ்வரன் (22) என்று தெரியவந்தது. தப்பிய நபர்கள் கீரைத்துரை தாயுமானசாமி நகர் செந்தூர் பாண்டி மகன் சரவணமூர்த்தி (23),கிருதுமால்நதி வீமபிள்ளை சந்துவை சேர்ந்த சுப்ரமணியன் மகன் குமரேசன் என்று தெரியவந்தது .அவர்கள் இருவரையும் தேடி வருகின்றனர். பிடிபட்டவர்களிடம் பயங்கர ஆயுதங்கள் இருந்தன. அவற்றை போலீசார் பறிமுதல் செய்தனர். பிடிபட்டவர்களிடம் போலீசார் நடத்திய விசாரணையில் அவர்கள் வழிப்பறி மற்றும் கொலை செய்யும் திட்டத்தில் அந்த பகுதியில் பதுங்கி இருந்தது தெரியவந்தது.
காதலை பெற்றோர் கண்டித்ததால் சிறுவன் தற்கொலை!
மதுரை வெள்ளக்கல் விநாயகர் கோவில் தெருவை சேர்ந்தவர் முருகன் மகன் பிரசாந்த் (17) இவர் இளம்பெண் ஒருவரை காதலித்து வந்துள்ளார். இது அவருடைய பெற்றோருக்கு தெரிய வந்தது. அவர்கள் சிறுவன் பிரசாந்தை கண்டித்துள்ளனர். இதனால் மனமுடைந்த சிறுவன் வீட்டில் தூக்கு போட்டு தற்கொலை செய்து கொண்டார். இந்த சம்பவம் குறித்து அவருடைய அண்ணன் பிரபாகரன் அவனியாபுரம் போலீசில் புகார் செய்தார். போலீசார் வழக்கு பதிவு செய்து சிறுவன் பிரசாந்தின் தற்கொலைக்கான காரணம் என்ன என்பது குறித்து விசாரணை நடத்தி வருகின்றனர்.
கே புதூரில் இளம் பெண் பலாத்காரம்!
கே.புதூர் சம்பளம் சத்யா நகரை சேர்ந்தவர் கலைஞர் என்ற கருணாநிதி (46), இவர் அந்த பகுதியில் வீட்டில் இருபத்துமூன்றுவயது இளம்பெண் ஒருவர் தனியாக இருப்பதை அறிந்தார. அவர் அந்த வீட்டுக்குள் அத்துமீறி புகுந்து அந்த பெண்ணை பலாத்காரம் செய்ய முயன்றுள்ளார். இதனால் அந்த பெண் கூச்சல் போடவே அவர் அங்கிருந்து ஓடிவிட்டார். இந்த சம்பவம் குறித்து பாதிக்கப்பட்ட பெண் கே.புதூர் போலீசில் புகார் செய்தார். போலீசார் இந்த சம்பவம் குறித்து வழக்கு பதிவு செய்து இளம்பெண்ணை பலாத்காரம் செய்ய முயன்ற கருணாநிதியை கைது செய்தனர்.
மதுரையிலிருந்து நமது நிருபர்
