கூடல் புதூரில் திருட்டு, மர்ம ஆசாமி கைவரிசை!
மதுரை : தூத்துக்குடி கிழக்கு காலனியை சேர்ந்தவர் ஆறுமுகம் மகன் இசக்கிமுத்து (25) இவரது லாரியை காமராஜர் அக்கிரகாரத்தில் நிறுத்தி இருந்தார். இதில் இருந்த இரண்டு பேட்டரிகளை மர்ம ஆசாமி திருடி சென்று விட்டார். இந்த திருட்டு குறித்து இசக்கி முத்து கூடல் புதூர் போலீசில் புகார் செய்தார். போலீசார் வழக்கு பதிவு செய்து பேட்டரி திருடிய ஆசாமியை தேடி வருகின்றனர் .
ஜேசிபி எந்திரத்தில் திருட்டு :
உத்தங்குடி உலகநேரியை சேர்ந்தவர் புலிகேசி (51), இவர் கூடல் புதூர் வள்ளலார் தெருவில் 3 ஜேசிபி எந்திரங்களை நிறுத்தி இருந்தார். அவற்றிலிருந்து மூன்று பேட்டரிகளையும் மர்ம ஆசாமி திருடி சென்று விட்டார். இந்த சம்பவம் குறித்து அவர் கூடல் புதூர் போலீசில் புகார் செய்தார். ஒரே பகுதியில் அடுத்தடுத்து லாரி, ஜேசிபி எந்திரங்களில் பேட்டரி திருடப்பட்ட சம்பவங்கள் குறித்து போலீசார் வழக்கு பதிவு செய்து திருட்டு ஆசாமியை தேடி வருகின்றனர்.
திருப்பரங்குன்றம் பட்டாக்கத்தியுடன் வாலிபர் கைது!
திருப்பரங்குன்றம் காவல் ஆய்வாளர் திரு.லிங்கபாண்டியன், இவர் ரோந்து பணியில் ஈடுபட்டிருந்தார். இவர் திருப்பரங்குன்றம் எக்கோபார்க் அருகே சென்றபோது சந்தேகப்படும்படியாக பதுங்கி இருந்த இரண்டு வாலிபர்களை பிடிக்க முன்றார்.ஒருவர் பிடிபட்டார். அவரிடம் சோதனை செய்தபோது அவர் பட்டாகத்தி ஒன்றை மறைத்து வைத்திருந்தார். அவற்றை பறிமுதல் செய்து மேலும் விசாரணை நடத்தினார்.
விசாரணையில் திருப்பரங்குன்றம் அடுத்த கீழ தெருவை சேர்ந்த அழகர் மகன் பூமிநாதன் (28) என்றும் தப்பிஓடியவர்அதே பகுதியைச் சேர்ந்த ரவுடி மணிகண்டன் என்ற பல்லாக்கு மணிகண்டன் என்றும் தெரிய வந்தது. பிடிபட்ட பூமிநாதனை கைதுசெய்தார்.அவர்கள் குற்றம் சம்பவத்தில் ஈடுபடுவதற்காக பதுங்கி இருந்தது விசாரணையில் தெரிய வந்தது.தப்பிஓடிய ரவுடி மணிகண்டனை தேடிவருகின்றனர்.
மின்சாரம் தாக்கி பெயிண்டர் பலி!
பெருங்குடி சவுராஷ்டிரா காலனியை சேர்ந்தவர் கார்த்திக் ராஜா (45), இவர் பெயிண்டர் வேலை பார்த்து வந்தார். மேலப்பொன்னகரத்தில் பாரதியார் ரோட்டில் கட்டிடம் ஒன்றில் பெயிண்ட் அடிக்கும் பணியில் ஈடுபட்டிருந்தார். அப்போது எதிர்பாராத விதமாக மின்சாரம் தாக்கி தூக்கி வீசப்பட்டார். உயிருக்கு போராடிய நிலையில் அவரை சிகிச்சைக்காக மதுரை அரசு மருத்துவமனையில் சேர்த்தனர். அங்கு சிகிச்சை பலன் இன்றி அவர் பரிதாபமாக உயிரிழந்தார். இந்த சம்பவம் குறித்து கார்த்திக் ராஜாவின் மனைவி ஆர்த்தி கரிமேடு போலீசில் புகார் செய்தார். போலீசார் வழக்கு பதிவு செய்து பெயிண்டர் சாவுக்கான காரணம் குறித்து விசாரணை நடத்தி வருகின்றனர்.
கத்தி முனையில் வழிப்பறி சிறுவன் உள்பட 3 பேர் கைது!
வழிப்பறியில் ஈடுபட்ட சிறுவன் உட்படபட மூன்று பேரை போலீசார் கைது செய்தனர்.
கரிமேடு அழகரடி மூன்றாவது தெருவை சேர்ந்தவர் கணேசன் (47), இவர் புட்டுத்தோப்பு மெயின் ரோட்டில் சென்று கொண்டிருந்தார். அவரை வழிமறித்து கத்தி முனையில் மிரட்டிய மூன்று பேர் ரூ 600ஐ வழிப்பறி செய்து விட்டனர். இந்த சம்பவம் குறித்து கணேசன் கரிமேடு போலீசில் புகார் செய்தார். போலீசார் வழக்கு பதிவு செய்து அவரிடம் வழிப்பறியில் ஈடுபட்ட மேல பொன்னகரம் பத்தாவது தெருவை சேர்ந்த கண்ணன் மகன் விமல் நாத் (23), மேலப்பொன்னகரம் எட்டாவது தெருவை சேர்ந்த முத்துப்பாண்டி மகன் சூர்யா (24)மற்றும் (17) வயது சிறுவன் உட்பட 3 பேரை கைது செய்தனர்.
மதுரையிலிருந்து நமது நிருபர்
திரு.ரவி
