பெண் ஊழியரை மிரட்டி கற்பழிப்பு:
மதுரை: மதுரை வில்லாபுரம் மீனாட்சி நகர் மூன்றாவது தெருவை சேர்ந்தவர் இருபத்தொரு வயது பெண். இவர் முனிச்சாலை பழைய குயவர்பாளையம் பாளையத்தில் உள்ள ஜெராக்ஸ் கடை ஒன்றில் வேலை பார்த்து வந்தார்.
இந்த கடையின் உரிமையாளர் செல்வம் இவர் இந்த பெண்ணை மிரட்டி பலமுறை கற்பழித்துள்ளார்.
இந்த சம்பவம் குறித்து பாதிக்கப்பட்ட பெண் டவுன் அனைத்து மகளிர் காவல் நிலையத்தில் புகார் செய்தார். போலீசார் வழக்கு பதிவு செய்து ஜெராக்ஸ் கடை உரிமையாளர் செல்வத்தை கைது செய்தனர்.
முதியவர் தூக்குப்போட்டு தற்கொலை போலீஸ் விசாரணை.
மதுரை: மதுரை அவனியாபுரம் துக்காராம் தெருவை சேர்ந்தவர் ஜெயபாண்டி 72 .இவர் சில தினங்களாக மன உளைச்சலில் இருந்து வந்துள்ளார்.
இந் நிலையில் வீட்டில் தனியாக இருந்தபோது தூக்கு போட்டு தற்கொலை செய்து கொண்டார் .
இந்த சம்பவம் குறித்து அவனியாபுரம் போலீசார் வழக்குப்பதிவு செய்து அவரது சாவுக்கான காரணம் குறித்து விசாரணை நடத்தி வருகின்றனர்.
தொழிலதிபர் விஷம்குடித்து தற்கொலை.
மதுரை: மதுரைஅவனியாபுரம் பூந்தோட்டநகரைசேர்ந்தவர் பாலகிருஷ்ணன்40..இவர் குடும்பத்துடன் அருப்புக்கோட்டையில் தங்கியிருந்து வியாபாரம்செய்துவந்தார்.
வியாபாரத்தில் நஷ்டம் ஏற்பட்டதால் அங்கிருந்து குடும்பத்துடன் அவனியாபுரத்துக்கு வந்து குடியேறினார்.இதனால் மன உலச்சலில் இருந்துவந்தார்.
இந்நிலையில்விஷம்குடித்து வீட்டில் தற்கொலை செய்துகொண்டார்.இந்த சம்பவம்குறித்துஅவனியாபுரம்போலீசார் வழக்குப்பதிவுசெய்து விசாரணை நடத்திவருகின்றனர்.
வெவ்வேறு சம்பவங்களில் பைக்குகள் திருட்டு மர்ம ஆசாமிகள் கைவரிசை.
மதுரை: மதுரையில் வெவ்வேறு சம்பவங்களை பைக்குகள் திருடியஆசாமிகளை போலீசார் தேடி வருகின்றனர்.
திருநகர் பிருந்தாவன் தெருவை சேர்ந்தவர் சுதாகரன்48. இவர் திருநகரில் ரத்தப் பரிசோதனை நிலையம் ஒன்றின் முன்பாக தனது 25 ஆயிரம் மதிப்புள்ள பைக்கை நிறுத்தி விட்டு சென்று இருந்தார்.
பின்னர் திரும்பி வந்து பார்த்தபோது அந்த பைக்கை மர்ம ஆசாமிகள் திருடிச் சென்றுவிட்டனர். இந்த திருட்டு தொடர்பாக சுதாகரன் திருநகர் போலீசில் புகார் செய்தார்.
போலீசார் வழக்குப்பதிவு செய்து திருட்டு ஆசாமியை தேடி வருகின்றனர் .
மற்றொரு திருட்டு
மதுரை தெற்கு வெளி வீதி திரவுபதி அம்மன் கோவில் தெருவை சேர்ந்தவர் விக்னேஷ் 29. இவருக்கு சொந்தமான ரூபாய் 10 ஆயிரம் மதிப்புள்ள இருசக்கர வாகனத்தை சம்பவ இடத்தில் நிறுத்தி இருந்தார்.
இவர் பின்னர் திரும்பி வந்து பார்த்தபோது இந்த பைக்கை மர்ம ஆசாமி திருடிச் சென்று விட்டார்.
இந்த திருட்டு தொடர்பாக விக்னேஷ் தெற்குவாசல் போலீசில் புகார் செய்தார். போலீசார் வழக்கு பதிவு திருட்டு ஆசாமியை செய்து தேடி வருகின்றனர்.
இளம் பெண்ணை தாக்கி செல்போன் பறிப்பு.
மதுரை: மதுரை ஆரப்பாளையத்தில் இளம் பெண்ணை தாக்கி செல்போன் குறித்த ஆசாமியை போலீசார் தேடி வருகின்றனர்.
ஆரப்பாளையம் மோதிலால் முதல் தெருவை சேர்ந்தவர் தேவிஸ்ரீ 22. இவர் ஆரப்பாளையம் மெயின் ரோடு வழியாக சென்ற போது அந்த வழியாக சென்ற வாலிபர் தேவிசிரியை தாக்கி அவரது வைத்திருந்த ரூபாய் 15 ஆயிரம் மதிப்புள்ள செல்போனை பறித்து சென்றுவிட்டார் .
இந்த சம்பவம் குறித்து அவர் கரிமேடு போலீசில் புகார் செய்தார். போலீசார் வழக்குப்பதிவு செய்து அந்த ஆசாமியை தேடி வருகின்றனர்.
மதுரையிலிருந்து நமது நிருபர்
