சிறுமிக்கு கட்டாய திருமணம், பெற்றோர்களிடம் போலீஸ் விசாரணை!
மதுரை : விளாச்சேரி முனியாண்டி புறம் முதல் தெருவை சேர்ந்தவர் சிவகுருநாதன் 34 .இவருக்கும் கருமாத்தூர் கோவிலாங்குளத்தை சேர்ந்த செல்வம் என்பவரின் மகளுக்கும் கட்டாய திருமணம் நடத்தி வைத்துள்ளனர். இந்த தகவல் குழந்தைகள் நல பாதுகாப்பு குழு அதிகாரிக்கு தெரிய வந்தது. திருமதி. சுமதி சம்பவ இடத்திற்கு சென்று இதுகுறித்து விசாரணை நடத்தினார் . விசாரணையில் கட்டாய திருமணம் செய்தது உறுதியானது. இதை தொடர்ந்து மாப்பிள்ளை சிவகுருநாதன் (34) அவருடைய தந்தை சிவநாதன் (50) தாய் செல்வி (50), சிறுமையின் தந்தை கருமாத்தூரை சேர்ந்த செல்வம் (50) தாய் உமாராணி (45) ஆகியோர் மீது திருப்பரங்குன்றம் அனைத்து மகளிர் காவல் நிலையத்தில் புகார் செய்தார். போலீசார் வழக்கு பதிவு செய்து இருகுறித்து விசாரணை நடத்தி வருகின்றனர்.
நிரந்தர வேலையில்லாத கவலையில் வாலிபர் தற்கொலை!
அனுப்பானடி பகலவன் நகரை சேர்ந்தவர் பூஜை பாண்டி மகன் மதி (21), இவருக்கு நிரந்தரமாக வேலை இல்லை. இதனால் குடித்துவிட்டு வீட்டுக்கு வந்தார். இதை அவருடைய அம்மா கண்டித்துள்ளார். இதனால் மணமுடைந்த மதி வீட்டில் தூக்கு போட்டு தற்கொலை செய்து கொண்டார் .இந்த சம்பவம் குறித்து தந்தை பூஜைபாண்டி தெப்பக்குளம் போலீசில் புகார் செய்தார். போலீசார் வழக்கு பதிவு செய்து மதியின் தற்கொலைக்கான காரணம் குறித்து விசாரணை நடத்தி வருகின்றனர்.
திடீர் காய்ச்சலுக்கு பெண் குழந்தை பலி!
எஸ் எஸ் காலனி பாரதியார் நகர் மூன்றாவது தெருவை சேர்ந்தவர் பாலமுருகன் இவரது 11 மாத பெண் குழந்தை ரிஷிகா ஸ்ரீ இவருக்கு வீட்டில் திடீரென்று காய்ச்சல் ஏற்பட்டது அவரை சிகிச்சைக்காக மதுரை அரசு மருத்துவமனைக்கு கொண்டு சென்றனர். காய்ச்சல் அதிகமாகி அவர் செல்லும் வழியிலேயே பரிதாபமாக குழந்தை உயிரிழந்தது. இந்த சம்பவம் குறித்து குழந்தையின் அம்மா பாண்டியம்மாள் எஸ் எஸ் காலனி போலீசில் புகார் செய்தார். போலீசார் வழக்கு பதிவு செய்து ரிஷிகா ஸ்ரீ யின் சாவுக்கான காரணம் குறித்து விசாரணை நடத்தி வருகின்றனர்.
திருப்பாலையில் மாணவி தூக்கு போட்டு தற்கொலை!
திருப்பாலை கண்ணனேந்தலை சேர்ந்தவர் செந்தில்குமார் மகள் ஹரிப்பிரியா (16), இவர் மங்கையர்கரசி பள்ளியில் பிளஸ் 1 படித்து வந்தார். இவர் சில நாட்களாக மனக்கவலையில் இருந்து வந்துள்ளார். இந்த நிலையில் வீட்டில் தனியாக இருந்தபோது தூக்கு போட்டு தற்கொலை செய்து கொண்டார். இது குறித்து மாணவியின் தாய் ஆனந்தி திருப்பாலை போலீசில் புகார் செய்தார். போலீசார் வழக்கு பதிவு செய்து மாணவியின் உடலை கைப்பற்றி பிரேத பரிசோதனைக்கு அனுப்பி வைத்தனர். இவர் எதற்காக தற்கொலை செய்து கொண்டார் என்பது குறித்து போலீசார் விசாரணை நடத்தி வருகின்றனர்.
கடையை உடைத்து பணம் செல்போன்கள் கொள்ளை!
மதுரை முத்துராமலிங்கபுரம் இரண்டாவது தெருவை சேர்ந்தவர் காதர் பாட்ஷா மகன் சிராஜுதீன் (32), இவர்ஸ்காட்ரோடு மீனாட்சி பஜாரில் செல்போன் கடை நடத்தி வருகிறார். வழக்கம்போல் வியாபாரம் முடிந்து கடை அடைத்துவிட்டு சென்றார். மறுநாள் கடையை திறக்க வந்தபோது கடையின் கதவுகள் உடைக்கப்பட்டிருந்தன. கடையில் வைத்திருந்த 14 செல்போன்கள், விற்பனை செய்து வைத்திருந்த பணம் ரூ 2 லட்சத்து 34 ஆயிரத்தை மர்ம ஆசாமி கொள்ளையடித்துச் சென்று விட்டார். இந்த கொள்ளை குறித்து உரிமையாளர் சிராஜுதீன் திலகர்திடல் போலீசில் புகார் செய்தார். போலீசார் வழக்கு பதிவு செய்து கொள்ளை ஆசாமியை தேடி வருகின்றனர்.
மதுரையிலிருந்து நமது நிருபர்
திரு.ரவி
