தவறி விழுந்த, வாலிபர் பலி!
மதுரை : மதுரை வில்லாபுரம் வீட்டு வசதி வாரிய குடியிருப்பில், சேர்ந்தவர் யோகானந்த் (18), இவர் திருப்பரங்குன்றம் திருக்குளம் பகுதியில், சென்றபோது தவறி விழுந்து படுகாயம் அடைந்தார். உயிருக்கு போராடிய அவரை மதுரை மருத்துவமனையில், சிகிச்சைக்காக சேர்த்தனர். அங்கு சிகிச்சை பலனின்றி அவர் பரிதாபமாக உயிரிழந்தார். இது குறித்து அவருடைய தந்தை கணேசன் திருப்பரங்குன்றம் காவல்துறையில், புகார் செய்தார் காவல்துறையினர், வழக்கு பதிவு செய்து வாலிபர் யோகானந்தின் சாவுக்கான காரணம் குறித்து விசாரணை நடத்தி வருகின்றனர்.
கந்து வட்டி கேட்டு மிரட்டல்,வாலிபர் கைது!
பைபாஸ்ரோடு நேரு நகர் சுப்பிரமணிய சிவா தெருவை சேர்ந்தவர் ஜெபராஜ் (64), இவர் பொன்மேனி மெயின் ரோடு மொக்கைசாமி மகன் பொன் முனியாண்டி (37), என்பவரிடம் தினசரி வெட்டிக்கு கடன் வாங்கியுள்ளார்ரூ. 2 லட்சத்து 90 ஆயிரம் வரை வட்டி செலுத்தி விட்டார். இந்த நிலையில் கூடுதலாக கந்து வட்டி கேட்டு அவர் ஜெபராஜை மிரட்டியுள்ளார். இது குறித்து ஜெபராஜ் எஸ் எஸ் காலனி போலீசில் புகார் செய்தார். போலீசார் வழக்கு பதிவு செய்து கந்து வட்டி சட்டத்தின் கீழ் வாலிபர் பொன் முனியாண்டியை கைது செய்தனர்.
வாகனம் மோதி, வாலிபர் பலி!
ஒத்தக்கடை திருமோகூர் நடுத்தெருவை சேர்ந்தவர் தனுஷ்கோடி (56), இவர் பாண்டி சம்பவத்தன்று பாண்டி கோயில் மெயின் ரோட்டில் பைக்கில் சென்று கொண்டிருந்தார் அப்போது அந்த வழியாகச்சென்ற அடையாளம் தெரியாத வாகனம் மோதி விபத்துக்குள்ளானது. இதில் படுகாயம் அடைந்து சாலையோரம் மயங்கிக்கிடந்த தனுஷ்கோடியை ஆம்புலன்ஸ் மூலம் மதுரை அரசு மருத்துவமனையில் சிகிச்சைக்காக சேர்த்தனர் அங்கு அவர் சிகிச்சை பலனின்றி பரிதாபமாக உயிரிழந்தார். இந்த விபத்து குறித்து போக்குவரத்து புலனாய்வுப் பிரிவு போலீசார் வழக்கு பதிவு செய்து தனுஷ்கோடி மீது மோதிய வாகனத்தை தேடி வருகின்றனர்.
மதுரையிலிருந்து நமது நிருபர்
திரு.ரவி
