மாட்டுத்தாவனி அருகே வாலிபர் பலி!
மதுரை : மதுரை மேலூர் மெயின்ரோடு மாட்டுத்தாவனி பஸ்ஸ்டேண்ட் எதிரே சாலை ஓரம் இருபத்தியெட்டு வயது மதிக்கத்தக்க வாலிபர் ஒருவர் நடந்துசென்றார்.அப்போது அந்த வழியாகச்சென்ற அரசுபஸ் மோதி விபத்தானது, இந்த விபத்தில் படுகாயமடைந்த உயிருக்குப்போராடிய வாலிபரை ஆம்புலென்ஸ்மூலம் அரசு பருத்துவமனைக்கு கொண்டுசென்றனர்.ஆனால் செல்லும் வழியிலேயே அவர் பரிதாபமாக உயிரிழந்தார். இறந்தவர் யார் என்று தெரியவில்லை.இந்த விபத்துகுறித்து மதுரை வடக்கு தல்லாகுளம் வி.ஏ.ஓ.முனியசாமி கொடுத்த புகாரில் பஸ் டிரைவர் சிவகங்கை காலேஜ் ரோட்டைச்சேர்ந்த அரசு பஸ் டிரைவர் பூர்ணகுமார்மீது போக்குவரத்துப்புலனாய்வு பிரிவு போலீசார் வழக்குப்பதிவுசெய்து விசாரணை நடத்திவருகின்றனர்.
ஆரப்பாளையத்தில் மூன்றுபேர் கைது!
ஆரப்பாளையம் மெய்யப்பன் முதல் தெருவை சேர்ந்தவர் ராமசாமி மகன் ஸ்டாலின் (34), இவரது சகோதரர் முத்துப்பாண்டி.சொத்துப்பிரச்சினையில் இவர்களுக்குள் முன்விரோதம் இருந்தது.இந்த நிலையில் சம்பவத்தன்றும் வாக்குவாதம் ஏற்பட்டது.இதில் ஆத்திரமடைந்த முத்துப்பாண்டி,மைத்துனர் பாண்டியராஜன்,உறவினர்கள் மகேஸ்வரன், வினோத், டேனியல்சந்தோஷ் (27), ஆகியோர் இரும்புக்கம்பி,மரக்கட்டையால் ஸ்டாலினை தாக்கினர்.இந்த தாக்குதல் குறித்து ஸ்டாலின் கரிமேடு போலீசில் புகார் செய்தார்.போலீசார் ஐந்து பேர் மீது வழக்குப்பதிவுசெய்து மகேஸ்வரன்,வினோத்,டேனியல்சந்தோஷ் ஆகிய மூவரை கைது செய்து இது குறித்து விசாரணை நடத்திவருகின்றனர்.
மதுரையிலிருந்து நமது நிருபர்
திரு.ரவி
