மதுரை கிரைம்ஸ் 03/02/2023

 மதுரை :  மதுரை பைபாஸ் ரோடு  ஓம் நவசக்தி விநாயகா ஆட்டோ கேரேஜை சேர்ந்தவர் ராஜ்குமார் (55), சம்பவத்தன்று வீட்டை விட்டு வெளியே சென்றவர் காணவில்லை மாயமாகி விட்டார் .இது குறித்து எஸ் எஸ் காலனி போலீசார் வழக்கு பதிவு செய்து தேடி வந்தனர். இந்த நிலையில் அவர் திருப்பரங்குன்றம் தென்கால் கண்மாயில் இறந்து கிடப்பதாக போலீசாருக்கு தகவல் கிடைத்தது. அவர்கள் ராஜகுமாரின் உடலைமீட்டு பிரேத பரிசோதனைக்கு அனுப்பி வைத்தனர். இது தொடர்பாக மனைவி லதா கொடுத்த புகாரில் வழக்கு பதிவு செய்து அவரது சாவுக்கான காரணம் குறித்து போலீசார் விசாரணை நடத்தி வருகின்றனர்.

விசுவநாதபுரம் ஐந்தாவது குறுக்கு தெருவை சேர்ந்தவர் முதியவர் நவநீதகிருஷ்ணன் 83. இவருக்கு அடி வயிற்றில் வலி ஏற்பட்டு அவதிப்பட்டு வந்தார். இதற்கான சிகிச்சை பெற்றும் குணம் அடையவில்லை. இதனால் மன உளைச்சலில் இருந்தவர் எலிவிஷத்தை தின்று மயங்கி கிடந்தார் .உயிருக்கு  போராடிய அவரை சிகிச்சைக்காக மதுரை அரசு மருத்துவ மனையில் சேர்த்தனர். அங்கு சிகிச்சையில் இருந்தவர் சிகிச்சை பலனின்றி பரிதாபமாக உயிரிழந்தார் .இது குறித்து அவருடைய மனைவி மீனா (71) கூட்டல் புதூர் போலீசில் புகார் செய்தார். போலீசார் வழக்கு பதிவு செய்து முதியவரின் தற்கொலைக்கான காரணம் குறித்து விசாரணை நடத்தி வருகின்றனர்.

 கொன்னவாயன் சாலை புதூர் திருவள்ளுவர் தெருவை சேர்ந்தவர் பாண்டி (41), இவருக்கு குடிப்பழக்கம் இருந்தது இதனால் வீட்டில் பிரச்சினை ஏற்பட்டது. இதனால் மணமுடைந்த பாண்டி வீட்டில் தனியாக இருந்தபோது தூக்கு போட்டு தற்கொலை செய்து கொண்டார். இந்த சம்பவம் குறித்து அவருடைய மனைவி கிருஷ்ண கீதா செல்லூர் போலீசில் புகார் செய்தார். போலீசார் வழக்கு பதிவு செய்து பாண்டியின் தற்கொலைக்கான காரணம் குறித்து விசாரணை நடத்தி வருகின்றனர்.

 கண்ணணேந்தல்  ஜி.ஆர். நகரை சேர்ந்தவர் பாண்டியன் மகன் செந்தில் வேல் 24 .இவருக்கு குடிப்பழக்கம் இருந்தது. இவருடைய சகோதரரும் ,நண்பர்களும் இந்த பழக்கத்தை நிறுத்தும்படி கண்டித்துள்ளனர் .இதனால் மனமுடைந்த பாண்டி வீட்டில் தூக்கு போட்டு தற்கொலை செய்து கொண்டார் .இந்த சம்பவம் குறித்து அவருடைய தம்பி மதியழகன் திருப்பாலை போலீசில் புகார் செய்தார். போலீசார் வழக்கு பதிவு செய்து வாலிபர்  செந்தில்வேலின் தற்கொலைக்கான காரணம் குறித்து விசாரணை நடத்தி வருகின்றனர்.

மதுரையிலிருந்து நமது நிருபர்