ஆயுதங்களுடன் போலீசை மிரட்டிய கொலை கைதி கைது :
மதுரை: சோழவந்தான் தமிழக காவல்துறை டி.ஜி.பி திரு.சைலேந்திரபாபு உத்தரவின்படி, மதுரை மாவட்ட காவல்துறை கண்காணிப்பாளர் திரு.பாஸ்கரன் ஆலோசனையின்பேரில், சமயநல்லூர் துணைக் கண்காணிப்பாளர் திரு.பாலசுந்தர், சோழவந்தான் இன்ஸ்பெக்டர் திரு.சிவபாலன், சோழவந்தான் பகுதியில் ரவுடிகளை கண்காணித்து கைது செய்து நடவடிக்கை எடுத்து வருகின்றனர்.
முள்ளிப்பள்ளம் அருகே போலீசார் சென்று கொண்டிருந்த பொழுது, தென்கரையைச் சேர்ந்த சரவணபெருமாள். வயது 19. போலீசாரிடம் தகராறு செய்து ஆயுதங்களை காட்டி மிரட்டியதாக சரவண பெருமாளை கைது செய்தும், அவரிடமிருந்து கத்தியை பறிமுதல் செய்தனர்.
மேலும், சோழவந்தான் அருகே முள்ளிப்பள்ளம் பகுதியில்,வழிப்பறி செய்து கொண்டிருப்பதாக போலீசாருக்கு தகவல் வந்தது பேரில், வழிப்பறியில் ஈடுபட்டு கொண்டிருந்த முள்ளிப்பள்ளம் கிராமத்தைச் சேர்ந்த லோகேஷ், வயது 19. என்பவரை கைது செய்து அவரிடமிருந்து அரிவாளை போலீசார் பறிமுதல் செய்தனர் .காடுபட்டி சப் இன்ஸ்பெக்டர் திரு.பாலமுருகன் வழக்குப்பதிவு செய்து விசாரணை செய்து வருகிறார்.
திருமண ஆசைகாட்டி இளம்பெண் கற்பழிப்பு
மதுரை: திருமண ஆசைகாட்டி இளம்பெண்ணை கற்பழித்து கருக்கலைப்பு செய்ய முயன்ற வாலிபரை போலீசார் தேடி வருகின்றனர்.
மதுரை அருகே கருவனூர் எருக்கலைநத்தத்தை சேர்ந்தவர் பாரதி26. இவர் அவரது உறவுக்கார பெண்ணை திருமண ஆசைகாட்டி காதலித்து வந்தார்.
பின்னர் அந்த பெண்ணை கற்பழித்து உள்ளார். அவர் கர்ப்பம் அடைந்தார் .அவருக்கு வயிற்று வலியும் ஏற்பட்டது. இதனால் அவரை ரகசியமாக திருப்பூருக்கு அழைத்துச் சென்று அங்கு கருக்கலைப்பு செய்ய முயன்றுள்ளார்.
இந்த சம்பவம் தொடர்பாக அந்த இளம்பெண் அப்பந்திருப்பதி போலீசில் புகார் செய்தார்.போலீசார் வழக்குப்பதிவு செய்து அவரை கற்பழித்து கருக்கலைப்பு செய்ய முயன்ற வாலிபரை தேடி வருகின்றனர்.
மனைவி மீது ஆசிட் ஊற்ற முயன்ற கணவர் மற்றும் குடும்பத்தாரிடம் போலீசார் விசாரணை.
மதுரை: மனைவி மீது ஆசிட் ஊற்ற முயன்றதாக கணவர் மற்றும் குடும்பத்தார் மீது போலீசார் வழக்குப்பதிவு செய்து விசாரணை நடத்தி வருகின்றனர்.
மதுரை நரிமேடு சத்தியமூர்த்தி எட்டாவது தெருவை சேர்ந்தவர் காதர்பீவி39. இவரது கணவர் அபுதாஹீர் தனது வியாபார விருத்திக்காக மனைவியின் நகைகளை அடகு வைத்துள்ளார். இதில் அவர்களுக்குள் கருத்து வேறுபாடு ஏற்பட்டது.
இதனால் ஆத்திரமடைந்த கணவர் அவருடைய அப்பா அம்மா சகோதரியின் கணவர் ஆகியோர் அவர் மீது ஆசிட் ஊற்ற முயன்றதாக கூறப்படுகிறது.
இந்த சம்பவம் குறித்து காதர்பீவி தல்லாகுளம் போலீசில் புகார் செய்தார். போலீசார், அவரது கணவர் மற்றும் குடும்பத்தார் மீது வழக்குப்பதிவு செய்து அவர்களை தேடி வருகின்றனர்.
மனைவியுடன் கருத்து வேறுபாடு காரணமாக கணவர் விஷம் குடித்து தற்கொலை.
மதுரை: விருதுநகர் மாவட்டம் சிவகாசி ஆலங்குளத்தை சேர்ந்தவர் தீபக் 23 .இவர்ஜெய்ஹிந்துபுரம் நேதாஜி 7வது குறுக்குத் தெருவில் வசித்து வருகிறார்.
இவருடைய மனைவி ரேஷ்மா 21 .இவர்களில் கணவன் மனைவிக்கு இடையே கருத்து வேறுபாடு ஏற்பட்டு மனைவி தாய் வீட்டுக்கு சென்றுவிட்டார்.
இதனால் மனமுடைந்த தீபக் வீட்டில் விஷம் குடித்து தற்கொலை செய்து கொண்டார். இந்த சம்பவம் குறித்து ஜெய்ஹிந்துபுரம் போலீசார் வழக்குப்பதிவு செய்து விசாரணை நடத்தி வருகின்றனர்.
நடந்து சென்றவர் மயங்கி விழுந்து பலி.
மதுரை: ராமநாதபுரம் மாவட்டம் பரமக்குடி கீழ பள்ளிவாசல் தெருவைச் சேர்ந்தவர் முருகன் 55. இவர் மதுரைக்கு வந்தவர் பைபாஸ் ரோட்டில் அரசு போக்குவரத்து கழக டெப்போ அருகே சென்ற போது மயங்கி விழுந்து பலியானார்.
இந்த சம்பவம் குறித்து உறவினர் ராஜ்குமார் கொடுத்த புகாரில் எஸ் எஸ் காலனி போலீசார் வழக்குப்பதிவு செய்து விசாரணை நடத்தி வருகின்றனர்.
கூடல் புதூரில் நெஞ்சுவலி வந்த ஆட்டோ டிரைவர் பலி.
மதுரை: முடக்கத்தான் அம்பேத்கர் காலனியை சேர்ந்தவர் பிரிதிவிராஜன் 34. இவருக்கு குடிப்பழக்கம் இருந்து. ஆட்டோ ஓட்டி வந்தார்.இந்நிலையில் அவய் வீட்டில் இருந்தபோது திடீரென்று நெஞ்சு வலி ஏற்பட்டது.
அவரை சிகிச்சைக்காக மதுரை அரசு மருத்துவமனைக்கு கொண்டு சென்றனர். ஆனால் செல்லும் வழியிலேயே பிரிதிவிராஜன் பரிதாபமாக உயிரிழந்தார்.இந்த சம்பவம் குறித்து கூடல்புதூர் போலீசார் வழக்குப்பதிவு செய்து விசாரணை நடத்தி வருகின்றனர்.
காரில் வைத்திருந்த பணம் திருட்டு போலீஸ் விசாரணை.
மதுரை: மதுரை விமான நிலையத்திற்கு சென்றபோது காரில் வைத்திருந்த பணத்தை திருடிய மர்ம ஆசாமியை போலீசார் தேடி வருகின்றனர்.
பீகார் மாநிலம் புர்னியா சுசிநகரைண சேர்ந்தவர் ஆசிஸ்குமார் மனைவி சுவேதாஷா 35 .இவர் மதுரைக்கு வந்திருந்தார்.
மதுரை ரயில்வே நிலையம் அருகே உள்ள ஓட்டலில் தங்கியிருந்தகவர் அங்கிருந்து காரில் விமான நிலையத்திற்கு சென்றார் .அப்போது அவர் காரில் கொண்டு சென்ற புகைப்படங்கள் மற்றும் துணிமணிகளுடன் பேக் பணம் ரூபாய் 15 ஆயிரத்தை மர்ம நபர்கள் திருடி விட்டனர்.
இந்த திருட்டு தொடர்பாக சுவேதாஷா அவனியாபுரம் போலீசில் புகார் செய்தார். போலீசார் வழக்குப்பதிவு செய்து திருட்டு ஆசாமிகளை தேடி வருகின்றனர்.
மதுரையிலிருந்து நமது நிருபர்
திரு.ரவி
