மதுரை அருகே வீட்டை உடைத்து நகை பணம் கொள்ளை
மதுரை அருகே வீட்டை உடைத்து நகை பணம் கொள்ளையடித்து சென்ற ஆசாமிகளை போலீசார் தேடி வருகின்றனர் . மதுரை சக்கிமங்கலம் இளமனூர் அன்னை சத்யாநகரை சேர்ந்தவர் சபியுல்லாக் 24.
இவர் பக்ரீத்கொண்டாட பரமக்குடிக்கு சென்றுவிட்டார்.பின்னர் திரும்பிவந்து பார்த்தபோது வீட்டின்கதவு உடைக்கப்பட்டிருந்தது.வீட்டில் பீரோவில் வைத்திருந்த ஐந்தேகால்பவுன் தங்க நகை, பணம் ரூபாய் நான்காயிரத்தை மர்ம நபர்கள் கொள்ளையடித்துசென்றுவிட்டனர்.இநதசம்பவம் தொடர்பாக ஊமச்சிகுளம் போலீசில் புகார் செய்தார்.போலீசார் வழக்குப்பதிவுசெய்து கொள்ளையர்களை தேடிவருகின்றனர்.
மதுரை ஆரப்பாளயத்தில் வீடு புகுந்து நகை திருட்டு, வாலிபரிடம் போலீஸ் விசாரணை
மதுரை ஆரப்பாளயத்தில் வீடுபுகுந்து நகை திருட்டு தொடர்பாக வாலிபரிடம் போலீசார் விசாரணை நடத்தி வருகின்றனர். மதுரை ஆரப்பாளையம் கார்பரேசன்காலனியை சேர்ந்தவர் ஸ்டெல்லா70.இவர் வீட்டிலிருந்து அருகே சென்று விட்டு திரும்பிவந்து பார்த்தபோது வீட்டில் பீரோவில் வைத்திருந்த ஏழேகால்பவுன் தங்க நகை திருடுபோயிருந்தது.இதுகுறித்து ஸ்டெல்லா கரிமேடு போலீசில் புகார்செய்தார்.புகாரில் வாலிபர் ஒருவர்மீது சந்தேகம் இருப்பதாகதெரிவித்தார்.போலீசார் வழக்குப்பதிவுசெய்து விசாரணை நடத்தி வருகின்றனர்.
மதுரை மதுரை காளவாசலில் வாலிபரை தாக்கிய ஆட்டோடிரைவர் கைது
மதுரை காளவாசலில் முன்விரோதத்தில் வாலிபரை தாக்கிய ஆட்டோடிரைவரை போலீசார் கைது செய்தனர். மதுரை காளவாசல் பாண்டியன்நகரைசேர்ந்தவர் பார்த்திபன்28.அதே பகுதியை சேர்ந்தவர் மதன்குமார் என்ற முட்டைகண்ணன்29.இவர் ஆட்டோ ஓட்டி வருகிறார்.இவரது ஆட்டோவில் வைத்திருந்த சாமி படத்தை அங்கு விளையாடிய குழந்தைகள் உடைத்து விட்டனர்.இதனால் ஆத்திரமடைந்த மதன்குமார் அந்த குழந்தைகளை திட்டினார்.இதை பார்திபன் தட்டிக்கேட்டார்.இந்த முன் விரோதத்தின் காரணமாக பார்த்திபனை வழிமறித்து மதன்குமார் தாக்கிஉள்ளார்.இது குறித்து பார்த்திபன் புகாரில் கரிமேடு போலீசார் வழக்குப்பதிவுசெய்து ஆட்டோடிரைவர் மதன்குமாரை கைது செய்தனர்.
மதுரை கீரைத்துறையில் கந்துவட்டி கொடுமை டூவீலர்பறிப்பு, வாலிபர் மீது வழக்குப்பதிவுசெய்து விசாரணை
மதுரை கீரைத்துறையில் கந்துவட்டி கொடுமையால் டூவீலரை பறித்துச்சென்ற வாலிபர்மீது வழக்குப்பதிவுசெய்து போலீசார் விசாரணை நடத்திவருகின்றனர். கீரைத்துறை நல்லதம்பிபிள்ளைதெருவைசேர்ந்தவர் விஜயகுமார்36.இவர் அதே பகுதியை சேர்ந்த கண்ணன் என்பவரிடம் ரூபாய் முப்பதாயிரம் கடனாக பெற்றிருந்தார்.அதற்கு மாதம் ஒன்றிற்கு ஆயிரத்து ஐநூறு வட்டிசெலுத்தினார்.அவரால் தொடர்ந்து வட்டி செலுத்தமுடியவில்லை.இதனால் ஆத்திரமடைந்த கண்ணன் ,விஜயகுமாரின் டூவீலரை பறித்துச்சென்றுவிட்டார்.அவர் மனைவியிடமும் கந்துவட்டி கேட்டு மிரட்டியுள்ளார்.இது குறித்து கீரைத்துறை போலீசார் வழக்குப்பதிவுசெய்து விசாரித்து வருகின்றனர்.
மதுரை கீரைத்துறையில் முன்விரோதத்தில் கத்தியை காட்டி பெண்ணுக்கு மிரட்டல் விடுத்த வாலிபர் கைது
மதுரை, வில்லாபுரம் கிழக்குத்தெருவைச்சேர்ந்தவர் சூரம்மாள்40.இவரது உறவினர் மணிகண்டன்28. இவர்களுக்குள் முன்விரோதம் இருந்தது.இந்நிலையில் சூரம்மாவின் மகனை மணிகண்டன் தாக்கிஉள்ளார்.இதை தட்டிக்கேட்ட சூரம்மாவை மிரட்டியும் கத்தியை காட்டி கொலை மிரட்டலும் விடுத்துள்ளார்.இந்த சம்பவம் தொடர்பாக கீரைத்துறை போலீசார் வழக்குப்பதிவுசெய்து மணிகண்டனை கைது செய்தனர்.
மதுரை யானைக்கல்லில் டூவீலர் நிறுத்துவதில் தகராறு கடைக்காரை கல்லால் தாக்கிய வாலிபர் கைது.
மதுரை யானைக்கல்லில் வாகனம்நிறுத்தும்தகறாரில் கடைக்காரரை கல்லால் தாக்கிய வாலிபரை போலீசார் கைது செய்தனர். மதுரை தெற்குவாசல் பகுதியை சேர்ந்தவர் தங்கபாண்டியன் 42.இவர் யானைக்ல் பகுதியில் நவதானியம் விற்பனைசெய்யும் கடைஒன்றில் வேலைபார்த்துவருகிறார்.அங்கு கடைக்கு முன்பாக யானைக்கல்லை சேர்ந்த யோகேஸ்வரன் என்பவர் தன்னுடைய டூவீலரை நிறுத்தினார்.இதற்கு சற்றுதள்ளி பாதையை மறைக்காமல் நிறுத்தும்படி கூறியுள்ளார்.இதில் அவர்களுக்குள் வாய்த்தகராறு ஏற்பட்டது.இதில் தங்கபாண்டியனை ,யோகேஸ்வரன் கல்லால் தாக்கிஉள்ளார்.இதுகுறித்து விளக்குத்தூண்போலீசார் வழக்குப்பதிவு செய்து யோகேஸ்வரனை கைது செய்தனர்.
