மதுரை: மதுரைக் கல்லூரியின் என்.சி.சி மாணவி கோபிகா சமீபத்தில் புது டெல்லியில் நடைபெற்ற குடியரசு தின விழா அணிவகுப்பில், தமிழக என்.சி.சி அணி சார்பாக பங்கேற்று திரும்பி உள்ளார்.
இதனை பாராட்டும் விதமாக, மதுரைக் கல்லூரி என்.சி.சி. துறை மற்றும் என்.சி.சி. 7 பட்டாலியன் சார்பாக, மாணவிக்கு பாராட்டு விழா மதுரைக் கல்லூரியில் நடைபெற்றது. விழாவில் , என்.சி.சி. 7 பட்டாலியன் கமாண்டிங் அதிகாரி லெப்டினென்ட் கர்னல் திரு.சிவகுமார் கலந்து கொண்டு பாராட்டுரை வழங்கினார்.
மதுரைக் கல்லூரி வாரிய செயலர் நடனகோபால், பொருளாளர் திரு. ஆனந்த் சீனிவாசன், மதுரைக் கல்லூரி முதல்வர் பேராசிரியர் திரு. சுரேஷ் மற்றும் தலைமை ஒருங்கிணைப்பாளர் பேராசிரியர் திரு. பன்னீர்செல்வம் முன்னிலை வகித்தனர். கல்லூரி பேராசிரியர்கள் திரு. முத்துக்குமார், திரு. ஷாகுல் ஹமீது, திரு. சிவராமகிருஷ்ணன் மற்றும் பல பேராசிரியர்கள் வாழ்த்துரை அளித்தனர். மதுரைக் கல்லூரியின் என்.சி.சி அதிகாரி லெப்டினென்ட் திரு. கார்த்திகேயன் பாராட்டு விழா ஏற்பாடுகளை செய்திருந்தார்.
மதுரையிலிருந்து நமது நிருபர்
திரு.ரவி
