கோவை: பீளமேடு விமான நிலையம் அருகே உள்ள ஒரு டாஸ்மாக் கடையில் மேற்கூரையில் துளையிட்டு ரூ.3 லட்சம் மதிப்பிலான 1,500 மதுபாட்டில்கள் வியாழக்கிழமை இரவு திருடப்பட்டன.
இந்த சம்பவம் தொடா்பாக, பீளமேடு போலீஸாா் வழக்குப் பதிவு செய்து, அப்பகுதியில் உள்ள சிசிடிவி கேமராக்களில் பதிவான காட்சிகள் மூலமாக விசாரணை மேற்கொண்டனா்.
அதில் பதிவான 3 பேரைப் பிடித்து விசாரித்ததில், பீளமேடு டாஸ்மாக் கடையில் மதுபாட்டில்களை திருடியது தெரியவந்தது.
அவா்கள் அதே பகுதியைச் சோ்ந்த ஜெயபிரகாஷ் (28), மனோஜ் (26), வினோத் (26) என்பதும், பாட்டில்களைத் திருடி கூடுதல் விலைக்கு விற்றதும் தெரியவந்தது.
இதையடுத்து மூவரையும் போலீஸாா் கைது செய்தனா். இந்த வழக்கில் தொடா்புடைய மேலும் 4 பேரை போலீஸாா் தேடி வருகின்றனா்.
