கோவை: கோவை மாவட்ட போலீஸ் சூப்பிரண்டு திரு. செல்வநாகரத்தினம் உத்தரவின் பேரில் சூலூர் இன்ஸ்பெக்டர் திரு.முருகேசன், சப்-இன்ஸ்பெக்டர் திரு. பாண்டிராஜ் மற்றும் போலீசார் கொண்ட தனிப்படை அமைக்கப்பட்டது.
இவர்கள் அந்த பகுதியில் பொருத்தப்பட்டிருந்த சிசிடிவி கேமரா மூலம் ஆய்வு செய்து வந்தனர். நேற்று சூலூர் கண்ணம் பாளையத்தை சேர்ந்த மகேஷ் குமார் ( வயது 31 ) என்பவரை கைது செய்தனர்.
இவரிடமிருந்து 79 மதுபாட்டில்கள் 4 செல்போன் ,லேப்டாப், 2பைக் ,ரூ 72 ஆயிரம் பணம் ஆகியவை பறிமுதல் செய்யப்பட்டது. விசாரணையில் இவர் நேரு நகர் ,காங்கயம்பாளையம், சூலூர் ஆகிய இடங்களில், நடந்த திருட்டு வழக்குகளில் சம்பந்தப்பட்டவர் என்பது தெரியவந்தது.
இதேபோல சம்பத்குமார் ( வயது 42) என்பவரை போலீசார் நேற்று கைது செய்தனர். இவர் கண்ணம்பாளையம் மகாலட்சுமி நகரைச் சேர்ந்தவர் ஆவார். இவரிடமிருந்து ஒரு காரும், 241 மதுபாட்டில் பறிமுதல் செய்யப்பட்டது.
கொள்ளையர்களை பிடித்த தனிப்படை இன்ஸ்பெக்டர் திரு. முருகேசன், சப்-இன்ஸ்பெக்டர் திரு.பாண்டியராஜன் மற்றும் போலீசாரை மாவட்ட காவல்துறை கண்காணிப்பாளர் திரு.செல்வ நாகரத்தினம் பாராட்டினார்.
