திண்டுக்கல்: திண்டுக்கல்மாவட்டத்தில் போலீஸ் உடற்தகுதி மற்றும் திறன் தேர்வு நாளை துவங்கி ஆகஸ்ட் 4ம் தேதி வரை நடக்கிறது.
எஸ்பி திருமதி.ரவளி பிரியா தெரிவித்ததாவது:
இதில் இரண்டாம் நிலை, சிறைத்துறை, தீயணைப்புத்துறை போலீசார் ஆகியோருக்கான உடல் தகுதி மற்றும் திறன் தேர்வு நடக்கிறது. நாளை காலை 6 மணிக்கு துவங்குகிறது. இதில் 2 ஆயிரத்து 806 ஆண், 886 பெண் என மொத்தம் 3692 உள்ளனர். சான்றிதழ் சரிபார்ப்பு மற்றும் இதர தேர்வுகள் ஆகஸ்ட் 4ம் தேதி வரை நடைபெறும்.
அழைப்பு கடிதத்தில் கொடுக்கப்பட்டுள்ள தேதி, நேரத்தில் விண்ணப்பதாரர்கள் மைதானத்திற்கு வர வேண்டும். மேலும் அரசு நெறி முறைப்படி
முககவசம் அணிந்தும், கூடுதலாக இரு முககவசம் கொண்டு வர வேண்டும். கடந்த 4 நாட்களுக்குள் கொரோனா பரிசோதனை செய்யப்பட்டதற்கான சான்றிதழ் வைத்திருக்க வேண்டும்.
அழைப்பு கடிதம், அடையாள அட்டை, இணையதளத்தில் பதிவிறக்கம் செய்யப்பட்ட சான்றிதழ்களின் அசல் மற்றும் 2 நகல்கள் வைத்திருக்க வேண்டும்.
முதற்கட்ட தேர்வுகளில் தேர்ச்சி பெறும் விண்ணப்பதாரர்கள் ஆகஸ்ட் 5ம் தேதி முதல் நடைபெறும் இரண்டாம் கட்ட தேர்வுகளில் பங்கு பெறுவதற்கான அறிவுரைகள், தேதி, நேரம் குறிப்பிடப்பட்ட அனுமதி சான்று வழங்கப்படும். அலைபேசி, விலை மதிப்புள்ள பொருட்கள் கொண்டுவர அனுமதி இல்லை.இவ்வாறு எஸ்.பி., தெரிவித்துள்ளார்.
