சென்னை: திருவல்லிக்கேணியை சேர்ந்த கார்த்திக், வ/21, என்பவர் போதை மாத்திரை வாங்கி விற்பனை செய்து வந்துள்ளார். 10.6.2021 அன்று ஐஸ்அவுஸ், முத்தையா தோட்டம், மாதா கோயில் அருகே நடந்து சென்று கொண்டிருந்த போது, அங்கு வந்த 5 நபர்கள் மேற்படி கார்த்திக்கிடம் போதை மாத்திரை கேட்டு தகராறு செய்து கையால் தாக்கிவிட்டு அங்கிருந்து தப்பிச்சென்றுள்ளனர். இது குறித்து கார்த்திக் D-3 ஐஸ்அவுஸ் காவல் நிலையத்தில் கொடுத்த புகாரின் பேரில் வழக்கு பதிவு செய்து விசாரணை செய்யப்பட்டது.
D-3 ஐஸ்அவுஸ் காவல் நிலைய ஆய்வாளர் தலைமையிலான காவல் குழுவினர் விசாரணை செய்ததில் கார்த்திக் என்பவரை தாக்கிய 1.அருண் (எ) மண்டை அருண், வ/20, ராயப்பேட்டை 2.தினேஷ் (எ) வெண்டைக்காய் தினேஷ், வ/22, இராயப்பேட்டை 3. சுரேஷ் (எ) ஆஸ்துமா சுரேஷ், வ/38, இராயப்பேட்டை ஆகியோரை கைது செய்தனர்.
மேலும் விசாரணையில் Nitravet என்ற போதை மாத்திரைகள் விற்பனை செய்த குற்றத்திற்காக கார்த்திக், வ/21, திருவல்லிக்கேணி மற்றும் அவரது நண்பர் அஜித், வ/21, திருவல்லிக்கேணி ஆகிய இருவர் கைது செய்யப்பட்டனர்.அவர்களிடமிருந்து 135 Nitravet போதை மாத்திரைகள் கைப்பற்றப்பட்டது.
