நாகப்பட்டினம்: நாகப்பட்டினம் மாவட்டம் வேதாரண்யத்தை அடுத்த தோப்புத்துறை அரசு மாதிரி மேல்நிலைப் பள்ளியில் போலீஸ் சார்பில் போதை பொருட்கள் தடுப்பு விழிப்புணர்வு மற்றும் சாலை விழிப்புணர்வு நிகழ்ச்சி நடந்தது. வேதாரண்யம் போலீஸ் இன்ஸ்பெக்டர் திரு.குணசேகரன் போதை தடுப்பு விழிப்புணர்வு உறுதிமொழியை வாசித்தார். இதை மாணவ-மாணவிகள் ஏற்றுக்கொண்டனர். இதில் நிகழ்ச்சியில் உடற்கல்வி ஆசிரியர் திரு.பொய்யாமொழி உள்பட பலர் கலந்து கொண்டனர். முடிவில் ஆசிரியர் ரெங்கசாமி நன்றி கூறினார்.
