கோவை: கோவை போத்தனூா் போலீஸ் ஸ்டேஷனில் குறிச்சி கிராம நிா்வாக அலுவலா் பாலதுரைசாமி புகாா் ஒன்று அளித்தாா். , சாலையில் அமா்ந்து 2 இளைஞா்கள் போதை ஊசி செலுத்திக் கொண்டிருப்பதாகவும், அங்கு விளையாடிக் கொண்டிருந்த சிறுவா்களையும் போதை ஊசி உபயோகிக்க சொல்லிக் கட்டாயப்படுத்தி வருவதாகவும் தெரிவித்தாா்.
உடனே சம்பவ இடத்துக்கு சென்ற போத்தனூா் போலீஸ் சப் இன்ஸ்பெக்டர் திரு.முருகேசன் தலைமையிலான போலீஸாா், அங்கு இரு இளைஞா்கள் போதைக்காக வலி நிவாரண மாத்திரைகளை பொடியாக்கி, அதை ஊசி மூலமாக உடலில் செலுத்திக் கொண்டிருந்தது உறுதியானது. இதையடுத்து, அவா்கள் இருவரையும் போலீஸாா் பிடித்து விசாரித்தனா். பிடிபட்டவா்கள் சாய் குடியிருப்புப் பகுதியைச் சோ்ந்த இம்ரான் கான் 31, இட்டேரி கருப்பராயன் வீதியைச் சோ்ந்த அபுபக்கா் சித்திக் 27 என்பது தெரியவந்தது.
இதையடுத்து, இருவா் மீதும் வழக்குப் பதிவு செய்த போலீஸாா், அவா்களிடம் இருந்து காா், இருசக்கர வாகனம் மற்றும் 30 போதை மாத்திரைகளைப் பறிமுதல் செய்தனா்.
