திருவண்ணாமலை : (13/09/2022),-ந் தேதி திருவண்ணாமலை மாவட்ட காவல் கண்காணிப்பாளர் மரு.கி.கார்த்திகேயன்,இ.கா.ப., அவர்களுக்கு கிடைத்த ரகசிய தகவலின்படி செங்கம் மதுவிலக்கு அமலாக்கப் பிரிவு காவல் ஆய்வாளர் திருமதி.M.மலர், அவர்கள் தலைமையில் செங்கம் அருகே தோக்கவாடி பகுதியில் நடத்திய தேடுதல் வேட்டையில் சுமார் 750 லிட்டர் கள்ளச்சாராய ஊரல் கண்டுபிடிக்கப்பட்டு கீழே கொட்டி அழிக்கப்பட்டது. மேலும் தலைமறைவான குற்றவாளி யை காவல்துறையினர் தீவிரமாக தேடி வருகின்றனர். மேலும் செங்கம் மதுவிலக்கு அமலாக்கப் பிரிவு காவல் ஆய்வாளர் திருமதி.M.மலர் (பொறுப்பு), திருவண்ணாமலை மதுவிலக்கு அமலாக்க பிரிவு) அவர்கள் தலைமையில் திருவண்ணாமலை மதுவிலக்கு அமலாக்க பிரிவு காவல் உதவி ஆய்வாளர் திரு.M.சுரேஷ், அவர்கள் மற்றும் காவலர்கள் இணைந்து தானிப்பாடி அருகே மலமஞ்சனூர் சாலை மல்லாபுரம் X-ரோடு அருகே உள்ள கல்லாங்குத்து என்ற கிராமத்தில் தண்டராம்பட்டு வட்டம், மலமஞ்சனூர் கிராமத்தைச் சேர்ந்த வெங்கடேசன் த/பெ ரவி என்பவர் கஞ்சா பொட்டலங்களை விற்பனை செய்து கொண்டிருந்தது கண்டறியப்பட்டு காவல்துறையினர் அவரைப் பிடிக்க சென்றபோது தலைமறைவானவரை தீவிரமாக தேடி வருகின்றனர். மேலும் அங்கிருந்த 280 கிராம் எடையுள்ள கஞ்சா கைப்பற்றப்பட்டது.
