தஞ்சாவூர் : தஞ்சாவூர் மாவட்ட காவல் கண்காணிப்பாளர் அவர்கள் உத்தரவின் படி அனைத்து உட்கோட்ட காவல் பகுதிகளிலும் போதைப்பொருட்களுக்கு எதிராக தீவிர சோதனை மேற்கொள்ளப்பட்டு வருகிறது. இதில் தஞ்சை நகர உட்கோட்டம் கிழக்கு காவல் நிலைய சரகத்திற்குட்பட்ட காந்திஜி சாலையில் தனியார் பேருந்தில் பெங்களூரிலிருந்து தஞ்சை அய்யம்பேட்டையைச் சேர்ந்த ராபர்ட் (வயது-32) என்பவர் குட்கா கடத்தி வருவதாக கிடைத்த ரகசிய தகவலின் பேரில் காவல் ஆய்வாளர் திரு.சுப்ரமணியன் அவர்கள் தலைமையிலான காவலர்கள் சோதனை மேற்கொண்டதில் 91 கிலோ குட்கா கைப்பற்றப்பட்டு குற்றவாளியான ராபர்ட் என்பவர் கைது செய்யப்பட்டு நீதிமன்ற காவலுக்கு உட்படுத்தப்பட்டு சட்ட ரீதியான நடவடிக்கை மேற்கொள்ளப்பட்டது.
