சென்னை: சென்னை பெருநகர காவல் ஆணையாளர் திரு.சங்கர் ஜிவால், இ.கா.ப. அவர்களின் உத்தரவான “போதைக்கெதிரான தடுப்பு நடவடிக்கையான “DAD – DRIVE AGAINST DRUGS ” –ன் தொடர்ச்சியாக, C5 கொத்தவால்சாவடி காவல் நிலைய ஆய்வாளர் தலைமையிலான காவல் குழுவினருக்கு கிடைத்த தகவலின் பேரில், காவல் குழுவினர் 14.05.2021 அன்று இரவு கொத்தவால்சாவடி, ஆச்சாரப்பன் தெருவில் கண்காணிப்பு பணியில் இருந்தபோது, அங்கு கையில் பையுடன் நின்று கொண்டிருந்த நபரை விசாரணை செய்து, அவர் வைத்திருந்த பையை சோதனை செய்து, அதில் தடை செய்யப்பட்ட மாவா பாக்கெட்டுகளை விற்பனைக்காக வைத்திருந்த பப்லு யாதவ், வ/21, பிராட்வே, என்பவரை கைது செய்தனர். அவரிடமிருந்து ஹான்ஸ், மிராஜ், ஜர்தா போன்ற 72 மாவா பாக்கெட்டுகள் கைப்பற்றப்பட்டு, அவர்மீது நீதிமன்ற நடவடிக்கை மேற்கொள்ளப்பட்டது.
