சென்னை: அண்ணாநகர் காவல் மாவட்டத்திற்குட்பட்ட பகுதியை சேர்ந்த 16 வயது சிறுமி 28.05.2021 அன்று காணவில்லை என சிறுமியின் பெற்றோர் V-7 நொளம்பூர் காவல் நிலையத்தில் புகார் கொடுத்ததின் பேரில் சிறுமி காணவில்லை என வழக்கு பதிவு செய்து விசாரணை மேற்கொள்ளப்பட்டது.
V-7 நொளம்பூர் காவல் நிலைய ஆய்வாளர் தலைமையிலான காவல் குழுவினர் சம்பவயிடத்தின் அருகில் பொருத்தப்பட்டிருந்த கண்காணிப்பு கேமரா பதிவுகளை வைத்து விசாரணை செய்து
மேற்படி 16 வயது சிறுமியை அழைத்துச் சென்ற சதீஷ், வ/21, மதுரை என்பவரை பிடித்து விசாரணை செய்ததில், 16 வயது சிறுமி செல்போனில் FREE FIRE என்ற ஆன்லைன் விளையாட்டின் மூலமாக சதீஷ் என்பவர் அறிமுகமாகி உள்ளதும், சதீஷ், மேற்படி 16 வயது சிறுமியிடம் ஆசை வார்த்தைகள் கூறி அழைத்துச் சென்று பாலியல் தொந்தரவு கொடுத்ததும் தெரியவந்ததின் பேரில் மேற்படி வழக்கு W-8 திருமங்கலம் அனைத்து மகளிர் காவல் நிலையத்திற்கு மாற்றம் செய்யப்பட்டு போக்சோ சட்டப்பிரிவில் கைது செய்து அவர்மீது நீதிமன்ற நடவடிக்கை மேற்கொள்ளப்பட்டது
