திருவாரூர்: தற்போது கோடை வெயில் அதிகரிக்க தொடங்கி இருப்பதால், வெயிலின் தாக்கத்தை குறைக்கும் வகையில் போக்குவரத்தை ஒழுங்குப்படுத்தும் பணியில் ஈடுபட்டிருக்கும் காவலர்களுக்கு மாவட்ட காவல் கண்காணிப்பாளர் திரு.S.ஜெயக்குமார், M.Sc (Agri) அவர்கள் இன்று நீர்மோர் மற்றும் தர்பூசணி பழங்களை வழங்கினார்கள்.
மேலும், அனைத்து உட்கோட்ட துணை காவல் கண்காணிப்பாளர்களுக்கும், போக்குவரத்தை ஒழுங்குபடுத்தும் பணியில் ஈடுபடும் காவலர்களுக்கு தினசரி நீர்மோர் அல்லது குளிர்பானம் வழங்க வேண்டும் என மாவட்ட காவல் கண்காணிப்பாளர் திரு.S.ஜெயக்குமார், M.Sc (Agri) அவர்கள் அறிவுறுத்தினார்கள். அப்போது திருவாரூர் உட்கோட்ட துணை காவல் கண்காணிப்பாளர் திரு.P.மணிகண்டன் அவர்கள் உடனிருந்தார்கள்.
