காஞ்சிபுரம்: காஞ்சிபுரம் மாவட்ட காவல் கண்காணிப்பாளர் திருமதி.பா.சாமுண்டீஸ்வரி இ.கா.ப அவர்கள் உலகை அச்சுறுத்தி வரும் கொரானா வைரஸிலிருந்து நம்மையும் நம்மைச் சுற்றி உள்ளவர்களையும் எவ்வாறு பாதுகாத்துக் கொள்வது என்பது பற்றி விழிப்புணர்வு ஏற்படுத்த பொதுமக்கள், வர்த்தக சங்கத்தினர், காவலர் நண்பர் குழு, குடியிருப்போர் சங்கத்தினர், தன்னார்வலர்கள் ஆகியோரை ஆயுதப்படை மைதானத்தில் அழைத்து அவர்களுக்கு விழிப்புணர்வு ஏற்படுத்தினார். மேலும் எவ்வாறு பொதுமக்களுக்கு விழிப்புணர்வு ஏற்படுத்த வேண்டும் என்றும் கலந்துரையாடினார்.
ஒவ்வொரு பகுதியிலும் காவலர், தன்னார்வலர், காவல் உதவி நண்பர், நகராட்சி ஊழியர் என தலா ஒருவரும் அந்தப் பகுதியில் வசிக்கும் ஒரு நபரையும் சேர்த்து ஒரு குழுவை உருவாக்கி பொதுமக்களுக்கு கொரனா வைரஸ் பற்றி விழிப்புணர்வு ஏற்படுத்தப்பட வேண்டும் என்று கூறினார்கள்.
முக கவசம் கையுறை மற்றும் சமூக இடைவெளி ஆகியவைகளை கடைப்பிடித்து இந்நிகழ்ச்சி நடைபெற்றது.
