பெரம்பலூர்: பெரம்பலூர் மாவட்டம் கோனேரிபாளையம் கிராமத்தில் உள்ள PCA விளையாட்டு மைதானத்தில் நடைபெற்ற 20 ஓவர் கிரிக்கெட் போட்டியை மாவட்ட காவல் கண்காணிப்பாளர் திரு.ச.மணி அவர்கள் தொடங்கி வைத்தார்.
பின் இளைஞர்கள் இடையே சிறப்புரையாற்றிய காவல் கண்காணிப்பாளர் அவர்கள் இளைஞர்கள் அனைவரும் தங்களது திறமைகளை வளர்த்துக் கொள்ள வேண்டும் எனவும் விளையாட்டில் அனைவரும் சிறந்தது விளங்க வேண்டும் எனவும் அறிவுறுத்தினார்.
மேலும் காவல்துறையினருக்கும், இளைஞர்களுக்கும் இடையே ஒர் நல்லிணக்கத்தை உருவாக்கும் வகையில் மாவட்ட காவல் கண்காணிப்பாளர் அவர்கள் இளைஞர்களுடன் கிரிக்கெட் விளையாடி விளையாட்டிற்கு வயது ஒரு தடையில்லை ஆர்வமும், திறமையும் இருந்தால் போதுமானது என்பதை இளைஞர்கள் மத்தியில் நிரூபித்துக் காட்டினார்.
மேலும் இந்நிகழ்வின் போது சமூக நீதி மற்றும் மனித உரிமைகள் துணைக் காவல் கண்காணிப்பாளர் திரு. வல்லவன் அவர்கள் உடன் இருந்தார்.
என்றும் மக்கள் பாதுகாப்பிற்காக
பெரம்பலூர் மாவட்ட காவல்துறை
