திண்டுக்கல்: திண்டுக்கல் சோலைஹால் தியேட்டர் அருகே தொந்தி பிள்ளையா சந்தை சேர்ந்த கண்ணன் என்பவர் வீட்டில் கடந்த நவம்பர் 16-ம் தேதி இரவில் மர்ம நபர்கள் வீட்டில் பீரோவில் வைத்திருந்த 145 பவுன் நகைகளை கொள்ளையடித்து சென்றனர். இது குறித்து நகர் வடக்கு போலீசார் வழக்கு பதிவு செய்தனர்.
இந்நிலையில் எஸ்பி.திரு.சீனிவாசன் அறிவுறுத்தலின்படி, டி.எஸ்.பி. திரு.கோகுலகிருஷ்ணன் மேற்பார்வையில், ஆய்வாளர் திரு.உலகநாதன், சார்பு ஆய்வாளர் திரு.மகேஷ் நகர் குற்றத் தடுப்பு காவல் துறையினர் எஸ்.எஸ்.ஐ திரு.வீரபாண்டியன், காவலர்கள் திரு.ஜார்ஜ் எட்வர்ட், திரு.ராதா, திரு.முகமது அலி, திரு.விசுவாசம், திரு.சக்திவேல் ஆகியோர் கொண்ட தனிப்படையினர் சிசிடிவி காவலர்கள் ஜான், செல்வி ஆகியோர் உதவியுடன் ஜாகிர் உசேன், நவாஸ் கான்ஆகிய 2 பேரை கைது செய்து அவர்களிடமிருந்து 116 பவுன் தங்க நகைகள், இருசக்கர வாகனம் ஆகியவற்றை பறிமுதல் செய்து விசாரணை செய்கிறார்கள்.
