கோவை: கோவை போலீஸ் பயிற்சி பள்ளி வளாகத்தில் இன்று அதிகாலை 4.30 மணிக்கு காப்பு தணிக்கை செய்வதற்காக ஆயுதப்படையை தலைமை பெண் போலீஸ் ஏட்டு திருமதி .செண்பக வடிவு சென்று கொண்டிருந்தார். அப்போது காவலர் குடியிருப்பு வளாகத்திற்குள் காவல் உயர் அதிகாரியின் வாகனம் சென்றுள்ளது.
அந்த வழியாக வந்த ஆயுதப்படை பெண் தலைமை காவலர் உயர் அதிகாரியின் வாகனத்தை உற்றுநோக்கினார். அதை ஓட்டி வந்த நபரின் தலையில் அசோக சின்னம் உள்ள தொப்பியை அவர் முரண்பாடாக வைத்துள்ளதை கண்டு அதிர்ச்சி அடைந்த பெண் தலைமை காவலர் வாகனத்தை வழிமறித்து விசாரிக்கும் போது அவர் முன்னுக்குப்பின் முரணாக பதில் அளித்துள்ளார்.
அதனால் ஆயுதப்படை பெண் தலைமை காவலர் உடனே காவல் கட்டுப்பாட்டு அறைக்குதகவல் தெரிவித்துள்ளார். அதே நிலையில் அந்த வழியாக வந்த 2 சிறப்பு காவல் படையை சேர்ந்த காவலர்களை உதவிக்கு அழைத்து உயர் அதிகாரியின் வாகனத்தை இயக்கி வந்த அடையாளம் தெரியாத நபரை வாகனத்தை விட்டு இறக்கி விசாரித்தனர்,
இந்நிலையில் காவல் கட்டுப்பாட்டு அறைக்கு கொடுத்த தகவலின் அடிப்படையில் கோவை மாநகர காவல் உதவி ஆய்வாளர் சம்பவ இடத்திற்கு விரைந்து வந்துள்ளார். மேற்படி உயர் அதிகாரியின் வாகனத்தை இயக்கி வந்த அடையாளம் தெரியாத நபரை கோவை மாநகர காவல் உதவி ஆய்வாளரின் வசம் ஒப்படைத்தார்.
இத்தகவலை கோவை மாவட்ட ஆயுதப்படை அலுவலகத்திற்கும், கோவை மாவட்ட ஆயுதப்படை தனிப்பிரிவு தலைமை காவலர் திரு.எட்வர்டு ராஜ்க்கும் தகவல் தெரிவித்துள்ளார். இச்செயலுக்காக கோவை மாவட்ட காவல் கண்காணிப்பாளர் திரு.செல்வநாகரத்தினம் ,கோவை மாவட்ட ஆயுதப்படை பெண் போலீஸ் ஏட்டு திருமதி.செண்பக வடிவை பாராட்டி சான்றிதழ் வழங்கினார்
