சென்னை: T9 பட்டாபிராம் காவல்நிலைய பெண்தலைமைக்காவலர் திருமதி.ஏ.குட்டியம்மாள் மற்றும் ஊர்க்காவல் படைவீரர் திரு.வி.அருண்பாண்டியன் (HG 4046) ஆகியோர் 11.07.2021 அன்று இரவு சுற்றுக்காவல் வாகனபணியிலிருந்தபோது, அதிகாலை (12.07.2021) பட்டாபிராம், இராமாபுரம் 400 அடிசாலை அருகே வேகமாக வந்த ஒரு காரை நிறுத்தி விசாரணை செய்து, காரை சோதனை செய்த போது,
காருக்குள் கஞ்சா பொட்டலங்கள் கடத்திவந்த நபர்களான .ராகேஷ், 19 ஆவடி 2.தனுஷ், 24 திருமுல்லைவாயல் ஆகிய இருவரையும் கைது செய்தனர். மேலும் குற்றவாளிகளிடமிருந்து 1 கிலோ 100 கிராம் எடை கொண்ட கஞ்சா, பணம்ரூ.12,500/- மற்றும் ஒரு கார் கைப்பற்றப்பட்டது. மேற்படி குற்றவாளி மீது நீதிமன்ற நடவடிக்கை மேற்கொள்ளப்பட்டது.
இரவு ரோந்து பணியின்போது விழிப்புடன் செயல்பட்டு,கஞ்சா கடத்தி வந்த 2 நபர்களை கைது செய்த T9 பட்டாபிராம் காவல் நிலைய பெண்தலைமைக்காவலர் திருமதி.ஏ.குட்டியம்மாள் (பெ.த.கா.36531) மற்றும் ஊர்க்காவல் படைவீரர் திரு.வி.அருண்பாண்டியன் (HG 4046) ஆகியோரை சென்னைபெருநகர காவல் ஆணையாளர் திரு.சங்கர் ஜிவால், இ.கா.ப., அவர்கள் நேரில் அழைத்து பாராட்டி வெகுமதிவழங்கினார்.
