தூத்துக்குடி : கொப்பம்பட்டி காவல் நிலைய எல்லைக்குட்பட்ட வேப்பன்குளம் பகுதியைச் சேர்ந்த ஒரு பெண் கடந்த (08.08.2022) அன்று குருவிநத்தம் பகுதியில் நடந்து வந்து கொண்டிருந்தபோது, அங்கு இருசக்கர வாகனத்தில், வந்த அதே பகுதியைச் சேர்ந்த கேப்ரியல் மகன் இருதயராஜ் (38), என்பவர் தனது இருசக்கர வாகனத்தை வேகமாகவும் அஜாக்கிரதையாகவும் ஓட்டி வந்து மேற்படி பெண்ணின் மீது மோதியதில் அவர் கீழே விழுந்துள்ளார்.
இதன் காரணமாக அப்பெண் இருதயராஜை சத்தம் போடவும், அதனால் ஆத்திரமடைந்த இருதயராஜ் மேற்படி பெண்ணிடம் தகராறு செய்து அவதூறாக பேசி கையால் தாக்கி கொலை மிரட்டல் விடுத்துள்ளார். இதுகுறித்து மேற்படி பெண் (09.08.2022), அளித்த புகாரின் பேரில் கொப்பம்பட்டி காவல் நிலைய உதவி ஆய்வாளர் திரு.துரைசாமி, வழக்குபதிவு செய்து மேற்படி குற்றவாளி இருதயராஜை கைது செய்தார்.
