புதுச்சேரி : புதுச்சேரி முத்தியால்பேட்டையை சேர்ந்தவர் சரவணன் (30), பெயிண்டரான இவருக்கு திருமணமாகி மனைவியும், (12), மற்றும் (10), வயதில் இரண்டு மகள்களும் உள்ளனர். மது பழக்கம் காரணமாக சரவணனுக்கும் அவரது மனைவிக்கும் இடையில் அடிக்கடி தகராறு ஏற்பட்டு வந்துள்ளது. கடந்த சில மாதங்களாக சரவணனின் மனைவி கணவரிடம் பேசாமல் தனது தாயார் வீட்டில் இருந்துள்ளார். இதனிடையே, சரவணனின் மனைவி மீண்டும் வீட்டிற்கு வந்து பார்த்த போது தனது பெண் குழந்தைகளின் அந்தரங்க உறுப்பு மற்றும் மார்பகங்களில் நக கீறல் காயங்கள் இருப்பதை கண்டு குழந்தைகளிடம் இதுகுறித்து கேட்டபோது அவர்கள் தந்தை சரவணன் இரவில் தங்களிடம் தவறாக நடக்க முயல்வதாக தெரிவித்துள்ளனர். இதில் அதி்ர்ச்சியடைந்த சரவணனின் மனைவி இது குறித்து முத்தியால்பேட்டை காவல்நிலையத்தில், அளித்த புகாரின் பேரில் காவல்துறையினர், போக்ஸோ பிரிவின் கீழ் வழக்கு பதிவு செய்து சரவணனை கைது செய்து நீதிமன்றத்தில், ஆஜர்ப்படுத்தி மத்திய சிறையில் அடைத்தனர்.
