தூத்துக்குடி : தூத்துக்குடி மாவட்டம், தட்டார்மடம் காவல் நிலைய எல்லைக்குட்பட்ட பகுதியில் மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன், அவர்கள் உத்தரவின்படி சாத்தான்குளம் காவல்துணை கண்காணிப்பாளர் திரு. அருள், மேற்பார்வையில் தட்டார்மடம் காவல் நிலைய ஆய்வாளர் திரு.பவுலோஸ், தலைமையில் உதவி ஆய்வாளர் திரு.ரவிக்குமார், மற்றும் தனிப்படைகாவல்துறையினர், (01.09.2022), திருச்செந்தூர் to கன்னியாகுமரி ரோடு பெரியதாழை மேடு பகுதியில் வாகன தணிக்கையில் ஈடுபட்டபோது, அங்கு சந்தேகத்திற்கிடமான முறையில் வந்த சரக்கு வாகனத்தை நிறுத்தி சோதனை செய்ததில் அதில் சாத்தான்குளம் தச்சமொழி பகுதியை சேர்ந்த ஜோசப் சூரியராஜ் மகன் சுந்தர் சிங் (33), என்பவர் 44 கிலோ தடை செய்யப்பட்ட புகையிலை பொருட்களை சரக்கு வாகனத்தில் கடத்தி வந்தது தெரியவந்தது. உடனே தனிப்படை காவல்துறையினர், மேற்படி குற்றவாளி சுந்தர் சிங்கை கைது செய்து அவரிடம் இருந்த 44 கிலோ புகையிலை பொருட்கள் மற்றும் கடத்துவதற்கு பயன்படுத்திய சரக்கு வாகனத்தையும் பறிமுதல் செய்தனர். மேலும் இதுகுறித்து தட்டார்மடம் காவல் நிலைய காவல்துறையினர், வழக்குபதிவு செய்து விசாரணை மேற்கொண்டு வருகின்றனர்.
