கோவை: கோவை டவுன் பஸ் நிலையம் இன்று மாலை 7 மணிக்கு பயணிகள் வரத்து அதிகமாக இருந்தது.. அப்போது 2 வாலிபர்கள் குடிபோதையில் பேருந்து நிலையத்திற்கு முன் பகுதியில் வந்து கட்டிப் புரண்டு சண்டை போட்டுக் கொண்டிருந்தனர்.
பிறகு அதில் ஒரு நபர் நான் பார்க்காத ஜெயிலா? என கொச்சையான வார்த்தைகள் பேசியபடி உடனிருந்த நபரை வாயில் ஒதுக்கி வைத்திருந்த பிளேடை எடுத்து உடலில் வெட்ட முயன்றான். பிறகு இருவரும் கட்டிப் புரண்டு பேருந்து நிலையத்தில் சண்டை போட்டனர். இதனால்
கல்லூரி மாணவ மாணவிகள், பெண்கள் அலறியடித்து ஓடினர். அதை யாரும் தடுப்பதற்கு தயாராக இல்லை. பிறகு போதையில் தள்ளாடியபடி பொதுமக்களை, பெண்களை இடித்தபடி அந்த நபர் அங்கிருந்து புறப்பட்டுச் சென்றான்.
அந்தக் கொள்ளையன் கபாலி பஸ் நிலையத்தில் ரகளை செய்யும் வீடியோ காட்சி சமூக வலைதளங்களில் வைரலாக பரவி வருகிறது.ரவுடிகளுக்கு சிம்ம சொப்பனமாக திகழும் தமிழ்நாடு காவல்துறை புதிய டி.ஜி.பி திரு.சைலேந்திரபாபு கவனத்துக்கு இந்த பிரபல ரவுடி பற்றிய விவரங்கள் கொண்டு செல்லப்பட்டு இந்த கொள்ளையர்களின் கொட்டம் அடக்கப்படுமா? என்று பொதுமக்கள் ஏக்கத்துடன் உள்ளனர்,இந்தக் கொள்ளையனை குண்டர் சட்டத்தின் கீழ் கைது செய்ய வேண்டும் என்ற டி.ஜி.பி திரு.சைலேந்திர பாபு க்கு பொதுமக்கள் கோரிக்கை விடுத்துள்ளனர்.
