தூத்துக்குடி : விநாயகர் சதுர்த்தியை முன்னிட்டு தூத்துக்குடி மாவட்டத்தில் விநாயகர் சிலைகள் வைக்கப்பட்டுள்ள இடங்களில் காவல்துறையினர், பாதுகாப்பு பணியில் ஈடுபட்டு வந்தனர். அதன்படி தூத்துக்குடி சத்திரம் பஸ் ஸ்டாப், 3வது மைல், எட்டையாபுரம், இளம்புவனம், கோவில்பட்டி உட்பட மாவட்டத்தில் சிலைகள் வைக்கப்பட்டுள்ள பல்வேறு பகுதிகளுக்கு மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன், அவர்கள் நேரில் சென்று பாதுகாப்பு பணிகளை ஆய்வு செய்து போலீசாருக்கு அறிவுரைகள் வழங்கினார்.
இந்த ஆய்வின் போது தூத்துக்குடி நகர காவல் காவல் துணை கண்காணிப்பாளர் திரு. சத்தியராஜ், கோவில்பட்டி காவல் துணை கண்காணிப்பாளர் திரு. வெங்கடேஷ், தூத்துக்குடி நகர உட்கோட்ட தனிப்பிரிவு உதவி ஆய்வாளர் திரு. ஞானராஜன், கோவில்பட்டி உட்கோட்ட தனிப்பிரிவு உதவி ஆய்வாளர் திரு. ஸ்டீபன், உட்பட காவல்துறையினர், உடனிருந்தனர்.
