தூத்துக்குடி : தூத்துக்குடி மாவட்டம், ஓட்டப்பிடாரம் கவர்னகிரியில் வரும் (16.04.2023) அன்று நடைபெற உள்ள வீரன் சுந்தரலிங்கனாரின் 253வது பிறந்த நாள் விழாவை முன்னிட்டு காவல்துறையின் பாதுகாப்பு ஏற்பாடுகள் குறித்து (14.04.2023) திருநெல்வேலி சரக காவல்துறை துணை தலைவர் திரு. பிரவேஷ் குமார் இ.கா.ப அவர்கள் மற்றும் தூத்துக்குடி மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன் அவர்கள் ஆகியோர் கவர்னகிரியில் உள்ள வீரன் சுந்தரலிங்கனார் மணிமண்டபத்திற்கு நேரில் சென்று ஆய்வு மேற்கொண்டனர். இந்த ஆய்வின்போது மணியாச்சி காவல் துணை கண்காணிப்பாளர் திரு. லோகேஸ்வரன், ஓட்டப்பிடாரம் காவல் நிலைய ஆய்வாளர் திரு. முத்துராமன், பசுவந்தனை காவல் நிலைய ஆய்வாளர் திரு. சுதேசன் மற்றும் காவல்துறையினர் உடனிருந்தனர்.
