தூத்துக்குடி : தமிழ்நாடு சீருடை பணியாளர் தேர்வாணையம் 2022ம் ஆண்டிற்கான இரண்டாம் நிலைகாவலர், சிறைக்காவலர், மற்றும் தீயணைப்பு மற்றும் மீட்புப் படையினருக்கான எழுத்துதேர்வு நாளை (27.11.2022), நடைபெற உள்ளது. தூத்துக்குடி மாவட்டத்தில் நாளை நடைபெற உள்ள 2022ம் ஆண்டிற்கான காவலர் எழுத்து தேர்வு நடைபெறும் தேர்வு மையங்களுக்கு, தேர்வு கண்காணிப்பு சிறப்பு அதிகாரியாக நியமிக்கப்பட்டுள்ள சென்னை ரயில்வே காவல்துறை துணைத் தலைவர் திரு. அபிஷேக் தீக்ஷித் இ.கா.ப அவர்கள் மற்றும் மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன் அவர்கள் (26.11.2022) நேரில் சென்று தேர்வு எழுதுவதற்கான ஏற்பாடுகள் குறித்து ஆய்வு செய்தார். இந்த ஆய்வுகளின் போது தூத்துக்குடி தலைமையிடத்து காவல்துறை கூடுதல் கண்காணிப்பாளர் திரு. கார்த்திகேயன், தூத்துக்குடி ஊரக உட்கோட்ட காவல் உதவி கண்காணிப்பாளர் திரு. சந்தீஷ் இ.கா.ப, விளாத்திகுளம் உட்கோட்ட காவல் உதவி கண்காணிப்பாளர் திரு. ஸ்ரேயா குப்தா இ.கா.ப, காவல் துணை கண்காணிப்பாளர்கள், காவல் ஆய்வாளர்கள் உட்பட போலீசார் மற்றும் தூத்துக்குடி மாவட்ட காவல் அலுவலக அமைச்சுப் பணி கண்காணிப்பாளர்கள், உதவியாளர்கள், இளநிலை உதவியாளர்கள் ஆகியோர் உடனிருந்தனர்.
