தூத்துக்குடி : தூத்துக்குடி மாவட்டத்தில், உள்ள அனைத்து காவல் துணை கண்காணிப்பாளர்கள் மற்றும் காவல் ஆய்வாளர்களுக்கான மாதாந்திர ஆய்வு கூட்டம் மற்றும் விநாயகர் சதுர்த்தியை முன்னிட்டு காவல்துறையினரின் பாதுகாப்பு ஏற்பாடுகள் குறித்த ஆலோசனை கூட்டம், மாவட்ட காவல்துறை அலுவலகத்தில் தூத்துக்குடி மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன், அவர்கள் தலைமையில் நடைபெற்றது. (13.08.2022) தூத்துக்குடி மாவட்ட காவல்துறை அலுவலகத்தில் மாதாந்திர ஆய்வுக்கூட்டம் மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன் அவர்கள் தலைமையில் நடைபெற்றது. இக்கூட்டத்தில் மாவட்டத்தில் உள்ள அனைத்து வழக்குகளின் புலன் விசாரணை குறித்தும், நிலுவையில் உள்ள வழக்குகள் குறித்தும், கஞ்சா மற்றும் புகையிலை போன்ற போதைப்பொருட்கள் கடத்தல் மற்றும் விற்பனையில் ஈடுபடுபவர்கள் மீது கடும் நடவடிக்கை மேற்கொள்வது குறித்தும், பொது அமைதிக்கு பங்கம் விளைவிப்பவர்கள் மீதும் ரவுடிகள் மீது மேற்கொள்ளப்பட்டு வரும் நடவடிக்கைகள் குறித்தும், நீதிமன்ற அலுவல்கள் குறித்தும் மற்றும் பல்வேறு நிகழ்வுகள் குறித்தும் ஆய்வு நடைபெற்றது.
மேலும் இதில் வருகின்ற (31.08.2022), அன்று நடைபெற இருக்கும் விநாயகர் சதுர்த்தியை முன்னிட்டு காவல்துறை அதிகாரிகளுக்கு விழாவிற்கான பாதுகாப்பு ஏற்பாடுகள் குறித்தும் காவல்துறையினர், மேற்கொள்ள வேண்டிய பணிகள் குறித்தும் மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன் அவர்கள் ஆலோசனைகள் மற்றும் அறிவுரைகள் வழங்கினார்.
இந்த ஆய்வுக்கூட்டத்திற்கு அரசு வழக்கறிஞர் மோகன்தாஸ், தூத்துக்குடி குற்றவியல் நீதித்துறை நடுவர் எண் I நீதிமன்றத்தின் அரசு உதவி வழக்கறிஞர் முருகபெருமாள், தூத்துக்குடி குற்றவியல் நீதித்துறை நடுவர் எண் II நீதிமன்றத்தின் அரசு உதவி வழக்கறிஞர் ஆனந்தன், திருச்செந்தூர் குற்றவியல் நீதித்துறை நடுவர் நீதிமன்றத்தின் அரசு உதவி வழக்கறிஞர் முருகேசன், கோவில்பட்டி குற்றவியல் நீதித்துறை நடுவர் எண் I நீதிமன்றத்தின் அரசு உதவி வழக்கறிஞர் அசோக், கோவில்பட்டி குற்றவியல் நீதித்துறை நடுவர் எண் II நீதிமன்றத்தின் அரசு உதவி வழக்கறிஞர் ஆலன்ராயன், தூத்துக்குடி மாவட்ட காவல்துறை சட்ட ஆலோசகர் திரு. ராஜேஷ் கண்ணா, தூத்துக்குடி தடய அறிவியல் துறை உதவி இயக்குநர் கலாலெட்சுமி ஆகியோரும், தூத்துக்குடி தலைமையிடத்து காவல்துறை கூடுதல் கண்காணிப்பாளர் திரு. கார்த்திகேயன், தூத்துக்குடி பெண்கள் மற்றும் குழந்தைகளுக்கெதிரான குற்ற தடுப்பு பிரிவு காவல்துறை கூடுதல் கண்காணிப்பாளர் திரு. பிரகாஷ் பாபு, தூத்துக்குடி ஊரக காவல் உதவி கண்காணிப்பாளர் திரு. சந்தீஸ் இ.கா.ப, காவல் துணை கண்காணிப்பாளர்கள் திரு. தூத்துக்குடி நகரம் திரு. சத்தியராஜ், திருச்செந்தூர் திரு. ஆவுடையப்பன், திரு. ஸ்ரீவைகுண்டம் மாயவன், திரு. மணியாச்சி லோகேஷ்வரன், கோவில்பட்டி திரு. வெங்கடேஷ், விளாத்திக்குளம் திரு. பிரகாஷ், சாத்தான்குளம் அருள், மாவட்ட குற்ற ஆவண காப்பக பிரிவு திரு. பிரேமானந்தன், நில அபகரிப்பு தடுப்பு சிறப்பு பிரிவு திரு. சம்பத், மதுவிலக்கு அமலாக்க பிரிவு திரு. சிவசுப்பு உட்பட மாவட்டத்தின் அனைத்து காவல் ஆய்வாளர்களும் கலந்து கொண்டனர்.
