திருவாரூர்: திருவாரூர் மாவட்ட காவல் கண்காணிப்பாளர் திரு.S.ஜெயக்குமார், M.Sc, (Agri)., அவர்கள் இன்று (14.08.2024) திருவாரூர், வேலுடையார் மேல்நிலைப்பள்ளி மாணவ, மாணவியர்களிடையே விழிப்புணர்வு நிகழ்ச்சியில் கலந்து கொண்டார்கள். அப்போது, பேசிய மாவட்ட காவல் கண்காணிப்பாளர் அவர்கள் மாணவர்களாகிய நீங்கள் கல்வி மற்றும் ஒழுக்கத்தில் சிறந்து விளங்க வேண்டும், அனைவரும் ஒற்றுமையாக நட்புடன் பழக வேண்டும் என்றும், சாலை விபத்துக்கள் அதிக அளவில் நடைபெறுவதால் அனைவரும் கட்டாயம் சாலை விதிகளை பின்பற்ற வேண்டும் என்றும், இருசக்கர வாகனத்தில் செல்லும் போது தலைக்கவசம் அணிந்தும், நான்கு சக்கர வாகனத்தில் பயணிக்கும் போது Seat Belt அணிந்து செல்ல வேண்டும் என்றும், (18). வயது பூர்த்தியடையாத, ஓட்டுனர் உரிமம் இல்லாமல் இருசக்கர வாகனம் இயக்குவோர் மீதும், அவர்களின் பெற்றோர் மீதும் சட்ட நடவடிக்கை மேற்கொள்ளப்படும் என்றும், போதைப்பொருட்கள் பயன்படுத்த கூடாதென்றும், போதைப்பொருட்கள் பயன்படுத்துவதால் ஏற்படும் பாதிப்புகள் மற்றும் தீமைகள் குறித்து எடுத்துரைத்து, மாணவர்களாகிய நீங்கள் உங்களது உறவினர்கள் மற்றும் நண்பர்கள் யாரேனும் போதைப்பொருட்கள் பயன்படுத்தினால், அவற்றால் ஏற்படும் பாதிப்புகள் குறித்து அவர்களுக்கு எடுத்துரைக்க வேண்டும் என்றும், இளைய சமுதாயத்தினர் (மாணவ, மாணவிகள்) தற்போது அதிக அளவில் கைப்பேசி பயன்படுத்தி வருகின்றனர்.
அதனால் பல பாதிப்புகள் ஏற்படுகிறது. எனவே, கைப்பேசியை தேவைக்கு ஏற்ப பயன்படுத்துமாறு அறிவுறுத்தினார்கள். சைபர் கிரைம் சம்மந்தமான இணையவழி குற்றங்கள் குறித்தும், அடையாளம் தெரியாத நபரை சமூக வலைதளங்களில் நண்பர்களாக ஏற்க கூடாது என்றும், அதனால் ஏற்படும் பாதிப்புகள் குறித்தும், சமூக வலைதளங்களை பாதுகாப்பாக கையாளுவது குறித்தும் விழிப்புணர்வு ஏற்படுத்தினார்கள்.மேலும், சைபர் க்ரைம் குற்றங்களால் பாதிக்கப்பட்டதாக அறிந்தால் உடனடியாக 1930 என்ற உதவி எண் மற்றும் www.cybercrime.gov.in -ல் புகார் அளிக்குமாறு தெரிவித்தார்கள். கற்பதனால் ஏற்படும் சிறப்புகள் குறித்தும், “கல்வியே சிறந்த செல்வம்” என கூறி கல்வியின் முக்கியத்துவம் குறித்து எடுத்துரைத்து விழிப்புணர்வு ஏற்படுத்தினார்கள். விழிப்புணர்வு நிகழ்ச்சியில் திருவாரூர் உட்கோட்ட துணை காவல் கண்காணிப்பாளர் திரு.P.மணிகண்டன், திருவாரூர் ரோட்டரி சங்க நிர்வாகிகள், வேலுடையார் மேல்நிலைப்பள்ளி தாளாளர் மற்றும் ஆசிரியர்கள் கலந்து கொண்டார்கள்.
