சென்னை: அண்ணாநகரைச் சேர்ந்த 26 வயது பெண் W-7 அண்ணா நகர் அனைத்து மகளிர் காவல் நிலைய ஆய்வாளரிடம் நேற்று (29.05.2021) கொடுத்த புகாரில், தான் 2014 ம் ஆண்டு ஜுடோ தற்காப்பு கலை பயிற்சி பெறுவதற்காக முன்னாள் PSBB பள்ளியில் பணி செய்த கெபிராஜ், வ/41, த/பெ.இருதயராஜ், H-பிளாக், 12 வது மெயின் ரோடு என்ற விலசாத்தில் நடத்தி வந்த HI-Impact Martial Art School என்ற தற்காப்பு கலை பயிற்சியகத்தில் சேர்ந்து, பயிற்சி பெற்று வந்ததாகவும், ஜுடோ போட்டிக்காக நாமக்கல் சென்று திரும்பி வரும் வழியில் காரில் பயிற்சியாளர் கெபிராஜ் உடல் பகுதிகளை தொட்டும், தன்னை பலவந்தப்படுத்தி பாலியல் தொந்தரவு செய்ததாகவும், ஒத்துழைக்காததினால் வெளியில் சொன்னால் கொலை செய்துவிடுவேன் என மிரட்டியதாக மேற்படி பாதிக்கப்பட்ட பெண் நடவடிக்கை எடுக்க கேட்டு W-7 அண்ணாநகர் அனைத்து மகளிர் காவல் ஆய்வாளரிடம் கொடுத்த புகாரின்பேரில், நேற்று (29.5.2021) இந்திய தண்டனை சட்டம் மற்றும் பெண்கள் வன்கொடுமை தடுப்புச்சட்டபிரிவுகளின் படி வழக்குப் பதிவு செய்து விசாரணை நடைபெற்று வருகிறது.
