கள்ளக்குறிச்சி: கள்ளக்குறிச்சி மாவட்டத்தில் தலைமைக் காவலர்களில் இருந்து சிறப்பு உதவி ஆய்வாளராக பதவி உயர்வு பெற்றவர்களை நேரில் அழைத்து பாராட்டிய கள்ளக்குறிச்சி மாவட்ட காவல் கண்காணிப்பாளர் அவர்கள் தமிழக அரசின் ஆணைப் படி, கடந்த 1997-ஆம் ஆண்டு 2-ம் பேட்ச் தமிழக காவல் துறையில் இரண்டாம் நிலை காவலராக பணிக்கு சேர்ந்து 25 ஆண்டுகள் பணி நிறைவு பெற்றவர்களுக்கு சிறப்பு உதவி ஆய்வாளராக பதவி உயர்வு அளிக்க ஆணை பிறப்பிக்கப்பட்டது.
அதன்படி கள்ளக்குறிச்சி மாவட்டத்தில் சட்டம் & ஒழுங்கு, போக்குவரத்து காவல் பிரிவு, ஆயுதப்படை மற்றும் சிறப்பு பிரிவுகளில் பணிபுரிந்து 25 ஆண்டுகள் எவ்வித தண்டனை மற்றும் காவல்துறை ஒழுங்கு நடவடிக்கைக்கு உட்படாத 25 தலைமை காவலர்கள், சிறப்பு உதவி ஆய்வாளராக பதவி உயர்வு பெற்றனர். அவ்வாறு, பதவி உயர்வு பெற்றவர்களை கள்ளக்குறிச்சி காவல் கண்காணிப்பாளர் அலுவலகத்தில் கள்ளக்குறிச்சி மாவட்ட காவல் கண்காணிப்பாளர் திரு. பகலவன். இ.கா.ப அவர்கள் நேரில் அழைத்து தனது பொற்கரங்களால் தோள்பட்டையில் நட்சத்திரங்கள் (ஐந்துமுனை தாரகை) அணிவித்து வரும் காலங்களில் சிறப்பாக பணிபுரிய பாராட்டுக்களையும், வாழ்த்துக்களையும் தெரிவித்தார்.
இந்நிகழ்ச்சியில் கள்ளக்குறிச்சி மாவட்ட கூடுதல் காவல் கண்காணிப்பாளர் திரு.ஜவஹர்லால் மற்றும் திரு.விஜய்கார்த்திக் ராஜா அவர்கள், கள்ளக்குறிச்சி தனிப்பிரிவு காவல் ஆய்வாளர் திரு.சண்முகம் மற்றும் பதவி உயர்வு பெற்ற சிறப்பு உதவி ஆய்வளர்கள் கலந்து கொண்டு சிறப்பித்தனர்.
