ஈரோடு: தாளவாடி அருகே பணம் வைத்து சூதாடுவதாக தாளவாடி காவல்துறையினருக்கு ரகசிய தகவல் வந்தது.
இதையடுத்து காவல் உதவி ஆய்வாளர் ராசப்பன், தனி பிரிவு காவலர் ராஜா மற்றும் போலீசார் கொட்டவாடி பகுதிக்கு சென்று அங்கு 21 பேரை தாளவாடி போலீசார் கைது செய்தனர்.
விசாரணையில் அவர்கள் கர்நாடக மாநிலம். நஞ்சன்கூடு பகுதியைச் சேர்ந்தவர்கள் என்பது தெரியவந்தது.
மல்லையன்புரம் பகுதியை சேர்ந்த சுப்பப்பா 60 என்பவர் தோட்டத்தில் உள்ள வீட்டில் சூதாட்டத்தில் ஈடுபட்டதாக ஒப்பு கொண்டனர்.அவர்களிடமிருந்து 3 கார்கள், ஒரு டாட்டா ஏஸ் ஆட்டோ, ஒரு இரு சக்கர வாகனம், 19 மொபைல் போன்கள் மற்றும் ஒரு லட்சத்து 15 ஆயிரத்து 866 ரூபாய் ஆகியவற்றை பறிமுதல் செய்தனர்.
