இராமநாதபுரம்: ராமேஸ்வரம் ரயில்வே ஸ்டேஷன் பகுதியில் டவுன் போலீஸ் இன்ஸ்பெக்டர் கண்ணதாசன் தலைமையில் போலீசார் ரோந்து சென்றனர். அப்போது அப்பகுதியில் சுற்றிய வாலிபர் 6 பேரை போலீசார் பிடித்தனர்.
விசாரணையில் சிவகங்கை மாவட்டம் காரைக்குடி செல்வம் மகன் சுரேஷ் குமார் 23, சரவணகுமார் மகன் ஹரிஹர சுதன் 20, ராமநாதன் மகன் ராஜேஷ் 24, குரு பாண்டி மகன் சத்யநாராயணா 19, திருப்பத்தூர் . சண்முகசுந்தரம் மகன் லோகேஸ்வரன் 20, ராமேஸ்வரம் கார்த்திகேயன் மகன் கார்த்திக் ராஜா 19 ஆகியோர் என தெரியவந்தது.
பட்டா கத்தியுடன் சுற்றிய அவர்கள் அப்பகுதியில் திருட திட்டம் தீட்டியது தெரியவந்தது. இதையடுத்து 6 பேரையும் கைது செய்த போலீசார் அவர்கள் வைத்திருந்த பட்டா கத்தியை பறிமுதல் செய்தனர்.
