தூத்துக்குடி : தூத்துக்குடி மாவட்ட காவல் கண்காணிப்பாளர் டாக்டர் திரு. எல் பாலாஜி சரவணன் அவர்கள் உத்தரவின்படி தூத்துக்குடி நகர காவல் துணை கண்காணிப்பாளர் திரு. சத்யராஜ் மேற்பார்வையில் மத்தியபாகம் காவல் நிலைய ஆய்வாளர் திரு. அய்யப்பன் தலைமையில் உதவி ஆய்வாளர் திரு. முருகப்பெருமாள் மற்றும் போலீசார் (17.09.2022) தூத்துக்குடி டூவிபுரம் பகுதியில் ரோந்து பணியில் ஈடுபட்டபோது, அப்பகுதியில் சந்தேகத்திற்கிடமான முறையில் நின்று கொண்டிருந்தவர்களை பிடித்து விசாரணை செய்ததில் அவர்கள் தூத்துக்குடி தேவர்புரம் ரோடு பகுதியை சேர்ந்த கருப்பசாமி (22), தூத்துக்குடி கிருஷ்ணராஜபுரம் பகுதியை சேர்ந்த சேதுராமன் மகன் முத்துக்குமார் (19), மற்றும் தூத்துக்குடி வள்ளிநாயகபுரம் பகுதியை சேர்ந்த ராஜ் மகன் சிவ பாலமுருகன் (19), ஆகியோர் என்பதும் அவர்கள் இரு மரத்துண்டுகளை ஒட்டக்கூடிய பசையை தண்ணீரில் கலந்து நுகர்வதன் மூலம் போதையை ஏற்றி கொண்டு இருந்ததும் தெரியவந்தது.
உடனே மேற்படி போலீசார் கருப்பசாமி, முத்துக்குமார் மற்றும் சிவ பாலமுருகன் ஆகிய 3 பேரையும் கைது செய்தனர். மேலும் இதுகுறித்து மத்தியபாகம் காவல் நிலைய போலீசார் வழக்குபதிவு செய்து விசாரணை மேற்கொண்டு வருகின்றனர்.
