தூத்துக்குடி : தமிழக காவல்துறையில் 1987ம் ஆண்டு உதவி ஆய்வாளராக பணியில் சேர்ந்து பல்வேறு காவல் நிலையங்கள், பல்வேறு உட்கோட்டங்களில் துணை கண்காணிப்பாளராகவும் சிறப்பாக பணியாற்றி பதவி உயர்வு பெற்று தற்போது தூத்துக்குடி மாவட்ட சைபர் குற்றப்பிரிவில் காவல்துறை கூடுதல் கண்காணிப்பாளராக பணியாற்றி வந்த திரு. லயோலா இக்னேஷியஸ் அவர்கள் (31.12.2022) பணி ஓய்வு பெறுவதை முன்னிட்டு அவருக்கு மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன் அவர்கள் நினைவு பரிசு வழங்கி பொன்னாடை போர்த்தி வாழ்த்தினார்.
இந்நிகழ்வின் போது விளாத்திகுளம் காவல் உதவி கண்காணிப்பாளர் திருமதி. ஸ்ரேயா குப்தா இ.கா.ப, காவல் துணை கண்காணிப்பாளர்கள் தூத்துக்குடி நகரம் திரு. சத்தியராஜ், திருச்செந்தூர் திரு. ஆவுடையப்பன், ஸ்ரீவைகுண்டம் திரு. மாயவன், மணியாச்சி திரு. லோகேஸ்வரன், சாத்தான்குளம் திரு. அருள், மதுவிலக்கு அமலாக்க பிரிவு திரு. சிவசுப்பு, சமூக நீதி மற்றும் மனித உரிமைகள் பிரிவு திரு. ஜெயராஜ், நில அபகரிப்பு தடுப்பு சிறப்பு பிரிவு திரு. சம்பத், ஆயுதப்படை காவல் ஆய்வாளர் திரு. சுடலைமுத்து, போக்குவரத்துப் பிரிவு காவல் ஆய்வாளர் திரு. மயிலேறும் பெருமாள் ஆகியோர் கலந்து கொண்டனர்.
