தூத்துக்குடி : தூத்துக்குடி மாவட்டத்தில், பாரத முன்னாள் குடியரசுத் தலைவர் டாக்டர். இராதாகிருஷ்ணன், அவர்களின் பிறந்த நாள் செப்டம்பர் மாதம் 5ம் தேதி கொண்டாடுப்படுவதை முன்னிட்டு தொடக்க, நடுநிலை, உயர்நிலை, மேல்நிலைப் பள்ளிகள் மற்றும் கல்லூரிகளில் சிறப்பாக பணிபுரியும் தலைமை ஆசரியர்கள், பட்டதாரி மற்றும் முதுகலை ஆசிரியர்களை தேர்வு செய்து அவர்களுக்கு டாக்டர். இராதாகிருஷ்ணன் நல்லாசிரியர் விருது வழங்கப்பட்டு வருகிறது.
அதன்படி 2022ம் ஆண்டிற்கான டாக்டர். இராதாகிருஷ்ணன் நல்லாசிரியர் விருதுக்காக தூத்துக்குடி மாவட்டத்தில் தூத்துக்குடி மாநகராட்சி நடுநிலைப் பள்ளி தலைமையாசிரியை திருமதி. எமல்டா வெலன்சியா, ஸ்ரீவைகுண்டம் குமரகுருபரர் சுவாமிகள் மேல்நிலைப் பள்ளி பட்டதாரி (வரலாறு) ஆசிரியர் திரு. மாணிக்கம், தருவைக்குளம் அரசு மேல்நிலைப் பள்ளி முதுகலை (இயற்பியல்) ஆசிரியர் திரு. ஜெரோன்தாஸ் உட்பட 11 ஆசிரியர்கள் தேர்ந்தெடுக்கப்பட்டு வரும் 05.09.2022 அன்று நல்லாசிரியர் விருது பெற உள்ளனர்.
நல்லாசிரியர் விருதுபெறும் மேற்படி 11 ஆசிரியர்களும் (03.09.2022) மாவட்ட காவல்துறை அலுவலகத்தில் மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன் அவர்களை சந்தித்து வாழ்த்து பெற்றனர். அவர்களை மாவட்ட காவல் கண்காணிப்பாளர் அவர்கள் சிறந்த முறையில் பணியாற்றி மென்மேலும் பல விருதுகள் பெற வாழ்த்தி பாராட்டினார்.
