திருவண்ணாமலை : திருவண்ணாமலை மாவட்ட காவல் கண்காணிப்பாளர் மரு.கி.கார்த்திகேயன்,இ.கா.ப., அவர்களுக்கு கிடைத்த ரகசிய தகவலின்படி திருவண்ணாமலை மதுவிலக்கு அமலாக்க பிரிவு காவல் ஆய்வாளர் திருமதி.கோமதி அவர்கள் தலைமையில், காவல் உதவி ஆய்வாளர் திரு.M.சுரேஷ், அவர்கள் மற்றும் காவலர்கள் இணைந்து நடத்திய தேடுதல் வேட்டையில், திருவண்ணாமலை நகரம், மாரியம்மன் கோவில் தெருவை சேர்ந்த சாகுல்ஹமீது வ/38 த/பெ சேட்டு என்பவர் நல்லவன்பாளையம் கிராமம் அருகே கள்ளச்சாரய விற்பனையில் ஈடுபட்ட குற்றத்திற்காக கைது செய்து உரிய நடவடிக்கை மேற்கொள்ளப்பட்டது.
மேலும் அவரிடம் இருந்து சுமார் 55 லிட்டர் கள்ளச்சாராயம் கைப்பற்றப்பட்டது.
மேலும் தண்டராம்பட்டு பகுதியில் நடத்திய தேடுதல் வேட்டையில் தண்டராம்பட்டு வட்டம், திருவடத்தனூர் கிராமத்தைச் சேர்ந்த அப்துல்ரகுப் வ/42 த/பெ அஸிசுல்லா என்பவர் கள்ளச்சாராயத்தை விற்பனை செய்த குற்றத்திற்காக கைது செய்து உரிய நடவடிக்கை மேற்கொள்ளப்பட்டது. மேலும் அவரிடமிருந்து சுமார் 105 லிட்டர் கள்ளச்சாராயம் கைப்பற்றப்பட்டது.
