தூத்துக்குடி: தேசிய அளவிலான குடோ விளையாட்டு போட்டி கடந்த 14.02.2022 முதல் 20.02.2022ம் தேதி வரை இமாச்சலபிரதேச மாநிலத்தில் உள்ள சோலார் மாவட்டத்தில் நடைபெற்றது. இந்த தேசிய அளவிலான போட்டியில் 20 க்கும் மேற்பட்ட மாநிலங்களில் இருந்து ஆயிரத்துக்கும் மேற்பட்ட வீரர் வீராங்கனைகள் பங்கேற்றனர். இதில் தமிழ்நாடு சார்பில் 50 க்கும் மேற்பட்ட மாணவர்கள் பங்கேற்றனர்.
குறிப்பாக தூத்துக்குடி மாவட்டத்தில் இருந்து கலந்துகொண்ட 7 மாணவர்களில் எமில் சாலமோன் மற்றும் அஜித் குமார் ஆகியோர் தேசிய அளவிலான போட்டியில் வெள்ளி மற்றும் வெண்கல பதக்கமும் மற்ற மாணவர்கள் அடுத்து நடைபெற உள்ள சர்வதேச அளவிலான போட்டியான அக்ஷய்குமார் டிராபி போட்டிக்கு தகுதி பெற்றுள்ளனர்.
மேற்படி தேசிய அளவிலான குடோ விளையாட்டு போட்டியில் வெற்றி பெற்ற மாணவர்களை இன்று (23.02.2022) மாவட்ட காவல் அலுவலகத்தில் வைத்து தூத்துக்குடி மாவட்ட காவல் கண்காணிப்பாளர் திரு.எஸ். ஜெயக்குமார். அவர்கள் பாராட்டினார்.
அப்போது தூத்துக்குடி மாவட்ட குடோ சங்க செயலாளர் திரு.ஸ்டீபன், பொருளாளர் திரு.சுப்புராஜ், சேர்மன் திரு.இசக்கிராஜா ஆகியோர் கலந்து கொண்டனர்.
