செங்கல்பட்டு: செங்கல்பட்டு வட்டாட்சியர் அலுவலகத்தில் வருவாய் மற்றும் தீயணைப்பு துறை சார்பில் பேரிடர் தீ விபத்து மற்றும் பருவமழை காலங்களில் எவ்வாறு செயல்பட வேண்டும் என ஒத்திகை மற்றும் விழிப்புணர்வு நிகழ்ச்சி நடைபெற்றது. தீயணைப்பு துறையின் உதவி மாவட்ட அலுவலர் செந்தில் குமரன் தலைமையில் நடைபெற்ற நிகழ்ச்சியில், வட்டாட்சியர் பூங்குழலி. மண்டல வட்டாட்சியர் ரமா, மற்றும்கிராம நிர்வாக அலுவலர், வருவாய் அலுவலர்கள், தன்னார்வலர்கள் உள்ளிட்ட 200க்கும் மேற்பட்டோர் கலந்து கொண்டனர். இவர்களுக்கு முதலுதவி அளித்தல், பேரிடர் காலங்களில் தற்காத்து கொள்ளுதல்,துரிதமாக செயல்படுதல், மீட்பு நடவடிக்கைகள்,தீ அணைக்கும் முறைகள் குறித்து தீயணைப்பு வீரர்களால் செயல்முறைகளாக விரிவான விளக்கம் அளிக்கப்பட்டது.
செங்கல்பட்டில் இருந்து நமது குடியுரிமை நிருபர்
அன்பழகன்
