திருவாரூர் : திருவாரூர் மாவட்ட காவல் கண்காணிப்பாளர் *திரு.S.ஜெயக்குமார், M.Sc.(Agri).,* அவர்கள் (21.12.2023) திருவாரூர் தாலுக்கா காவல் நிலையத்திற்கு நேரில் சென்று வருடாந்திர ஆய்வு மேற்கொண்டார்கள். அப்போது காவல் நிலையத்தில் பராமரிக்கப்படும் பதிவேடுகளை ஆய்வு செய்தும், நிலையத்தில் பதிவு செய்யப்பட்டுள்ள வழக்குகளின் தற்போதைய நிலைகளையும் ஆய்வு செய்து காவல் ஆய்வாளருக்கு அறிவுரைகள் வழங்கினார்கள். காலையிலும், மாலையிலும் பகல் நேர ரோந்து அனுப்பி, பொதுமக்கள் அதிகம் கூடும் இடங்களில் ரோந்து காவலர்கள் அனுப்பி சட்டம் ஒழுங்கு பிரச்சனை இல்லாமல் பார்த்து கொள்ள வேண்டும் எனவும், சட்ட விரோத செயல்களில் ஈடுபடும் நபர்களை கண்காணித்து தக்க நடவடிக்கை மேற்கொள்ள வேண்டும் எனவும், அதிக அளவில் இரவு ரோந்து அனுப்ப வேண்டும் எனவும் இரவு ரோந்து செல்லும் காவலர்கள் திருட்டு போன்ற எந்த சட்ட விரோத செயல்கள் நடைபெறாமல் இருக்க விழிப்புடன் இருந்து செயல்பட வேண்டும் என அறிவுரைகள் வழங்கினார்கள். ஆய்வின் போது திருவாரூர் உட்கோட்ட துணை காவல் கண்காணிப்பாளர் திரு.A.சிவராமன் அவர்கள் உடனிருந்தார்கள்.
திருவாரூரிலிருந்து நமது மொபைல் நிருபர்
திரு.சுரேஷ்
