திருநெல்வேலி: திருநெல்வேலி மாவட்டம் தச்சநல்லூரில் உள்ள காவல் நிலையத்தில் நாட்டு வெடிகுண்டு வீசப்பட்ட சம்பவம் அப்பகுதியில் பெரும் பதற்றத்தை ஏற்படுத்தியுள்ளது.
தேவேந்திர குல வேளாளர் எழுச்சி இயக்கத்தின் தலைவர் கண்ணபிரான் இவர் மீது பல வழக்குகள் நிலுவையில் உள்ளது இவர் ஒரு வழக்கில் நிபந்தனை ஜாமின் பெற்று கண்டிஷன் பெயில் கையெழுத்திடுவதற்கு தச்சநல்லூர் காவல் நிலையம் வரும்போது மர்ம நபர்கள் அவர் மீது வெடிகுண்டு வீச முற்பட்டுள்ளனர். அதிர்ஷ்டவசமாக யார் மீதும் காயம் படவில்லை என்று தெரியவருகிறது. சம்பவ இடத்தில் போலீசார் குவிக்கப்பட்டுள்ளனர். காவல் நிலையம் முன்பு வெடிகுண்டு வீசப்பட்ட சம்பவம் நெல்லையில் பெரும் பரபரப்பை ஏற்படுத்தியுள்ளது.
