தூத்துக்குடி: தூத்துக்குடி மாவட்டம் முத்தையாபுரம் காவல் நிலைய உதவி ஆய்வாளர் திரு. மகாராஜன் தலைமையிலான போலீசார் நேற்று 23.12.2022 மாலை முத்தையாபுரம் காவல் நிலைய எல்லைக்குட்பட்ட பேரின்பநகர் பகுதியில் ரோந்து பணியில் ஈடுபட்ட போது அதே பகுதியில் உள்ள ஒரு தனியார் கேஸ் குடோனில் பூட்டு உடைக்கப்பட்டிருப்பதாக அக்கம் பக்கத்தினர் அளித்த தகவலின் படி மேற்படி போலீசார் கேஸ் குடோன் வளாகத்தை சோதனை செய்ததில் அங்கு முத்தையாபுரம் அத்திமரப்பட்டி பகுதியைச் சேர்ந்த ஜெபசிங் பாக்யராஜ் மகன் டேவிட் சுந்தர் 24. என்பவர் பதுங்கி இருந்ததும் அவர் மேற்படி பூட்டை உடைத்து கேஸ் குடோனில் திருட முயற்சி செய்ததும் தெரியவந்தது.
உடனே மேற்படி போலீசார் குற்றவாளி டேவிட் சுந்தரை கைது செய்து அவரிடமிருந்து திருடுவதற்கு பயன்படுத்திய ஒரு இருசக்கர வாகனத்தையும் பறிமுதல் செய்தனர். மேலும் இது குறித்து முத்தையாபுரம் காவல் நிலைய போலீசார் வழக்கு பதிவு செய்து விசாரணை மேற்கொண்டு வருகின்றனர்.
