திருவாரூர்: திருத்துறைப்பூண்டி காவல் நிலைய எல்லைக்குட்பட்ட பகுதியில் மதுபோதையில் கத்தியை காட்டி மிரட்டி பணம் பறித்து திருட்டில் ஈடுபட்ட வழக்கில் -1. ரியாஸ் அகமது (30), த/பெ. ஷாகுல் ஹமீது, நாச்சிக்குளம், உதயமார்த்தாண்டபுரம் அஞ்சல், முத்துப்பேட்டை என்பவர் கைது செய்யப்பட்டு சிறையில் அடைக்கப்பட்டிருந்தார். மேலும், ரியாஸ் அகமது என்பவர் மீது, கஞ்சா, திருட்டு, ஆயுதச்சட்டம் மற்றும் அரசு சொத்துக்களை சேதப்படுத்துதல் என 8 வழக்குகள் நிலுவையில் உள்ளது.மேற்படி, நபர் மீது குண்டர் தடுப்பு சட்டத்தின் கீழ் நடவடிக்கை மேற்கொள்ள மாவட்ட காவல் கண்காணிப்பாளர் அவர்கள் பரிந்துரை செய்ததின் பேரில், திருவாரூர் மாவட்ட ஆட்சியர் அவர்கள் உத்தரவின் படி இன்று (04.09.2025) குண்டர் தடுப்பு சட்டத்தின் கீழ் திருச்சி மத்திய சிறையில் அடைக்கப்பட்டனர்.
பொதுமக்களை அச்சுறுத்தும் வகையில் ரௌடிசத்தில் ஈடுபடும் நபர்கள், பெண்கள், குழந்தைகளுக்கு எதிரான குற்றங்கள், கஞ்சா, தடை செய்யப்பட்ட புகையிலை பொருட்கள் விற்பனை, மது குற்றங்களில் ஈடுபடுவோர் மீது குண்டர் தடுப்பு சட்டத்தின் கீழ் கைது நடவடிக்கை மேற்கொள்ளப்படும் என மாவட்ட காவல் கண்காணிப்பாளர் திரு.கருண் கரட், இ.கா.ப., அவர்கள் எச்சரித்துள்ளார்கள்.
